The Phnom Penh Post Search

Search form

Logo of Phnom Penh Post newspaper Phnom Penh Post - មន្រ្តីសុខាភិបាល ស្នើឱ្យ​អភិបាល​រាជធានី ខេត្ត​ទាំងអស់ ត្រូវ​ផ្សព្វផ្សាយ ឱ្យ​បាន​ញឹក​ញាប់ ប្រាប់​ពលរដ្ឋ​ឱ្យ​ទៅ​ចាក់​វ៉ាក់សាំង




មន្រ្តីសុខាភិបាល ស្នើឱ្យ​អភិបាល​រាជធានី ខេត្ត​ទាំងអស់ ត្រូវ​ផ្សព្វផ្សាយ ឱ្យ​បាន​ញឹក​ញាប់ ប្រាប់​ពលរដ្ឋ​ឱ្យ​ទៅ​ចាក់​វ៉ាក់សាំង

Content image - Phnom Penh Post
គ្រូពេទ្យចាក់វ៉ាក់សាំងដល់យុវតីម្នាក់​នា​ពេល​កន្លង​មក។ ភ្នំពេញ ប៉ុស្តិ៍

មន្រ្តីសុខាភិបាល ស្នើឱ្យ​អភិបាល​រាជធានី ខេត្ត​ទាំងអស់ ត្រូវ​ផ្សព្វផ្សាយ ឱ្យ​បាន​ញឹក​ញាប់ ប្រាប់​ពលរដ្ឋ​ឱ្យ​ទៅ​ចាក់​វ៉ាក់សាំង

ភ្នំពេញៈ មន្រ្តី​ជាន់​ខ្ពស់​នៃ​ក្រសួង​សុខាភិបាល បាន​ស្នើ​ឱ្យ​អភិបាល​រាជធានី ខេត្ត​ទាំងអស់ ត្រូវ​ធ្វើការ​ផ្សព្វផ្សាយ ឱ្យ​បាន​ញឹក​ញាប់ ដើម្បី​ឱ្យប្រជាពលរដ្ឋ​នៅ​តាម​មូលដ្ឋាន របស់​ខ្លួន បាន​ដឹង​ពី​ការ​ចាក់​វ៉ាក់សាំង និង​ទីតាំង​ចាក់​វ៉ាក់​សាំង​សម្រាប់​អ្នក​ដែល​មិន​ទាន់​បាន​ទទួល​វ៉ាក់សាំង​កូវីដ១៩។

ក្នុង​ពេល​ចុះ​ផ្តល់​ថវិកា​និង​សម្ភារ​ឧបភោគ​បរិភោគ​មួយ​ចំនួន ដល់​មនុស្ស​ចាស់​អាយុ​ពី ១០០ ឆ្នាំ​ឡើង នៅ​ក្នុង​ខេត្ត ប៉ៃលិន នៅ​ថ្ងៃ​ទី ២៧ ខែ​សីហា លោកស្រី ឱ វណ្ណឌីន អ្នក​នាំ​ពាក្យ​ក្រសួង​សុខាភិបាល និង​ជា​ប្រធាន​គណៈកម្មការ ចំពោះ​កិច្ច​ចាក់​វ៉ាក់សាំង​កូវីដ១៩ ក្នុងក្របខ័ណ្ឌ​ទូទាំង​ប្រទេស បាន​ថ្លែង​ថា ក្រសួង​សុខាភិបាល បាន​ប្រកាស​រួច​ហើយ ពី​យុទ្ធនាការ​ចាក់​វ៉ាក់សាំង សម្រាប់​អ្នក​ដែល​មិន​ទាន់​បានចាក់​សោះ នៅ​តាម​បណ្តា​រាជធានី​ខេត្ត​ទាំងអស់ ត្រូវ​ចាត់​ចែង​ឱ្យ​មាន​ទីតាំង​សម្រាប់​អ្នក​មិន​ទាន់​បាន​ចាក់​នេះ។

លោកស្រី​មាន​ប្រសាសន៍​ថា៖ «តាម​បណ្តា​រាជធានី​ខេត្ត អាច​ប្រើប្រាស់​មូលដ្ឋាន​សុខាភិបាល​សាធារណៈ របស់​យើង សម្រាប់​ចាក់​វ៉ាក់សាំងនេះ​បាន ដោយសារ​តាម​មូលដ្ឋាន​សុខាភិបាល​ទាំង​នោះ មាន​ប្រព័ន្ធ​ចាក់​ថ្នាំ​បង្ការ​ថ្នាក់​ជាតិ​ស្រាប់ ដែល​ពួកគាត់​មាន​សម្ភារ​បរិក្ខារ​និង​ក្រុម​គ្រូពេទ្យ​ស្រាប់ ដែល​អាច​ផ្តល់​ការ​ចាក់​វ៉ាក់សាំង​កូវីដ១៩ ទៅ​ដល់​ប្រជាពលរដ្ឋ​ដែល​មិន​ទាន់​បាន​ចាក់»។

លោកស្រី ឱ វណ្ណឌីន បាន​បញ្ជាក់ទៀតថា ប្រសិន​បើ​នៅ​តាម​ភូមិ​ឃុំ​ដែល​មាន​ក្រុម​គ្រូពេទ្យ កំពុង​ធ្វើ​ការ​ចាក់​វ៉ាក់សាំង​កូវីដ​១៩​នេះ អ្នក​ដែលមិន​ទាន់​បាន​ចាក់​សោះ អាច​ទៅ​ទទួល​ការ​ចាក់​នៅ​ទីនោះ​បាន។

លោកស្រី​បាន​ថ្លែង​ថា៖ «សុំ​អភិបាល​ខេត្ត​ទាំងអស់ ត្រូវ​ចូល​រួម​ធ្វើ​កិច្ចការងារនេះ ដោយ​យក​ចិត្ត​ទុក​ដាក់​បំផុត នូវ​ការ​ណែនាំ​របស់​សម្តេចនាយក​រដ្ឋ​មន្រ្តី និង​ធ្វើ​យ៉ាង​ណា ជំរុញ​នូវ​យុទ្ធនាការ​ចាក់​វ៉ាក់សាំង​កូវីដ​១៩ ឱ្យ​កាន់​តែ​លឿន​ថែម​ទៀត»។

គួរ​បញ្ជាក់​ផង​ដែរ​ថា មក​ដល់​ពេល​នេះ មនុស្ស​វ័យ​ចាស់​ដែល​មាន​អាយុ​ពី ១០០ ឆ្នាំ​ឡើង មាន​ចំនួន ៨១ នាក់​ហើយ បាន​ស្ម័គ្រ​ចិត្ត​ចាក់​វ៉ាក់សាំង​កូវីដ​១៩៕

វីដេអូ៖

អត្ថបទគួរចាប់អារម្មណ៍

  • ភ្នំពេញៈ ក្រុមហ៊ុន Longfruiter Anlong Veng Oddor Meanchey Agriculture Park Co., Ltd បាន​បញ្ចេញ​ប្រាក់​វិនិយោគ ៥១ ​លាន​ដុល្លារ​ទៅលើ​ការដាំ​ដំណាំ​ចេក និង​ដំណាំ​ហូប​ផ្លែ​មួយចំនួន​នៅក្នុង​ស្រុក​អន្លង់វែង ខេត្ត​ឧត្តរមានជ័យ ដើម្បី​ជំរុញ​ការនាំចេញ ពិសេស​ទៅ​ទីផ្សារ​ប្រទេស​ចិន​។

  • ភ្នំពេញៈ មូលនិធិ​កម្ពុជា​ប្រឆាំង​កូវីដ​ ១៩ បន្ត​អំពាវនាវ​ដល់​សប្បុរជន​ឱ្យ​ចូលរួម​បរិច្ចាគ​ធនធាន ដើម្បី​រួមចំណែក​ក្នុងការ​ឧបត្ថម្ភ​ទ្រទ្រង់​ដល់​ពលរដ្ឋ​ដែល​កំពុង​ជួប​ការលំបាក និង​ក្រុមគ្រូពេទ្យ​អាវស អំឡុងពេល​ប្រយុទ្ធប្រឆាំង​ជំងឺ​កូវីដ ខណៈ​មូលនិធិ​នេះ​បាន​ជួយ​ដល់​ពលរដ្ឋ​ជាង ១ ​ម៉ឺន​គ្រួសារ តាមរយៈ​ការផ្តល់​ជា​គ្រឿង​បរិភោគ និង​កញ្ចប់​ថ្នាំ​ជាដើម​។

  • ភ្នំពេញៈ ​ជន​ជាប់ឃុំ​នៅតាម​ពន្ធនាគារ និង​មណ្ឌល​អប់រំ​កែប្រែ​រាជធានី​-​ខេត្ដ​ជាង ២ ​ពាន់​នាក់​បាន​ចាក់​វ៉ាក់សាំង​បង្ការ​ជំងឺ​កូវីដ​ ១៩ ​ដូស​ទី​ ៣ និង​កំពុង​បន្ត​ចាក់​ដូស​ជំរុញ​នេះ​បន្ថែមទៀត ខណៈ​ជន​ជាប់ឃុំ​សរុប​ប្រមាណ ៣៨ ០០០ ​នាក់​បាន​ចាក់​ ២​ ដូស​រួចហើយ​។

  • ភ្នំពេញៈ ​សាកលវិទ្យាល័យ និង​គ្រឹះស្ថាន​អប់រំ កម្រិត​ឧត្ដមសិក្សា​សាធារណៈ និង​ឯកជន​ប្រមាណ​ ២០ នៅ​ថ្ងៃទី​ ២៩ ខែមករា ខាងមុខនេះ​នឹង​រៀបចំ «​ពិព័រណ៍​ជំនាញ និង​សាកលវិទ្យាល័យ​» ​តាម​អន​ឡាញ​ដើម្បីឱ្យ​វាគ្មិន​ជំនាញ​ចែករំលែក​ចំណេះដឹង បទពិសោធ ដល់​និស្សិត​លើ​ការជ្រើសរើស​មុខជំនាញ​សិក្សា និង​សាកលវិទ្យាល័យ​សិក្សា​នៅក្នុង​ប្រទេស​កម្ពុជា​។

  • ភ្នំពេញៈ ជប៉ុន​បាន​ផ្ដល់​រថយន្ត​ពន្លត់​អគ្គិភ័យ​ចំនួន​ ៤ ​គ្រឿង​ដល់​អង្គភាព​ការិយាល័យ​នគរបាល​បង្ការ ពន្លត់​អគ្គិភ័យ និង​សង្គ្រោះ​នៃ​ស្នងការដ្ឋាន​នគរបាល​រាជធានី​ភ្នំពេញ ដើម្បី​ចូលរួមចំណែក​ធ្វើឱ្យ​ប្រសើ​ឡើង​នូវ​ប្រសិទ្ធភាព​ការងារ​ឆ្លើយតប និង​ការ​កាត់បន្ថយ​នូវ​ហានិភ័យ​នានា ដែល​បង្កឡើង​ដោយ​គ្រោះ​អគ្គិភ័យ​នៅ​កម្ពុជា ពិសេស​ក្នុង​រាជធានី​ភ្នំពេញ​។

  • ភ្នំពេញៈ ​សាជីវកម្ម​ធានាឥណទាន​កម្ពុជា (CGCC) និង​មជ្ឈមណ្ឌល​បច្ចេកវិទ្យា និង​ព័ត៌មាន​ជីវឧស្ម័ន (BTIC) នៅ​ថ្ងៃទី​ ២៤ ខែមករា បាន​ចុះ​អនុស្សរណៈ​ជាមួយ​គ្នា ដើម្បី​លើកកម្ពស់​បរិយាកាស​អំណោយផល​ដល់​ការវិនិយោគ​លើ​បច្ចេកវិទ្យា​ជីវឧស្ម័ន​ខ្នាត​ធំ​នៅ​កម្ពុជា​ដើម្បី​រួមចំណែក​កាត់​បន្ថយ​ការប្រែប្រួល​អាកាសធាតុ​។ នេះ​បើតាម​សេចក្ដី​ប្រកាស​ព័ត៌មាន​។