ភ្នំពេញៈ មានមនុស្សចំនួន ១១ នាក់បន្ថែមទៀត ត្រូវបានរកឃើញស្លាប់ដោយសារជំងឺកូវីដ ១៩ និង ជាង ៤០០ នាក់ទៀតបានឆ្លងថ្មី ខណៈអ្នកជាសះស្បើយមានជាង ៣០០នាក់។ នេះបើតាមសេចក្តីប្រកាសរបស់ក្រសួងសុខាភិបាលនៅព្រឹកថ្ងៃទី ៣០ ខែសីហានេះ។
ក្រសួងបានប្រកាសថាមានមនុស្សចំនួន ៤០៨ នាក់ទៀត ត្រូវបានរកឃើញមានវិជ្ជមានកូវីដ ១៩ និងអ្នកព្យាបាលជាសះស្បើយបន្ថែមមានចំនួន ៣២៤ នាក់។ អ្នកដែលរកឃើញមានវិជ្ជមានថ្មីទាំងនោះ មានករណីឆ្លងក្នុងសហគមន៍ចំនួន ៣១៨ នាក់ និងអ្នកដំណើរពីបរទេសចំនួន ៩០ នាក់។
គិតត្រឹមព្រឹកថ្ងៃទី ៣០ ខែសីហា ឆ្នាំ ២០២១ អ្នកដែលបានរកឃើញឆ្លងមេរោគកូវីដ ១៩ នៅក្នុងប្រទេសកម្ពុជា សរុបមានចំនួន ៩២ ៦១៦ នាក់ អ្នកជាសះស្បើយសរុបមានចំនួន ៨៨ ៤៤៣ នាក់ និងអ្នកស្លាប់បានកើនឡើងរហូតដល់ ១ ៨៩២ នាក់ផងដែរ៕