ភ្នំពេញៈ គណៈកម្មការអន្តរក្រសួងដើម្បីប្រយុទ្ធនឹងជំងឺកូវីដ ១៩ (គ.អ.ក) ប្រកាសនៅព្រឹកថ្ងៃទី ២ កញ្ញានេះថា សមត្ថកិច្ចបានឃាត់មនុស្សធ្វើការអប់រំនិងពិន័យចំនួន ៤០៣ នាក់ និងឃាត់យានយន្តចំនួន ២៧៥ គ្រឿង ពាក់ព័ន្ធករណីល្មើសវិធានការរដ្ឋបាល និងវិធានការសុខាភិបាល កាលពីថ្ងៃទី ១ ខែកញ្ញា។
តាមសេចក្តីជូនដំណឹង (គ.អ.ក) បានឲ្យដឹងថា សមត្ថកិច្ចបានឃាត់រថយន្តចំនួន ១០១ គ្រឿង ម៉ូតូចំនួន ១៧៤ គ្រឿង និងឃាត់ខ្លួនមនុស្សធ្វើការអប់រំ និងពិន័យចំនួន ៤០៣ នាក់ នៅថ្ងៃទី១ ខែកញ្ញា ពាក់ព័ន្ធករណីល្មើសវិធានការរដ្ឋបាល និងវិធានការសុខាភិបាល។
ក្នុងសេចក្តីជូនដំណឹងបានបញ្ជាក់ថា នៅក្នុងថ្ងៃដដែលនោះ សមត្ថកិច្ចបានអនុវត្តវិធានការច្បាប់ចំនួន ២៨១ ករណី និងផ្សព្វផ្សាយច្បាប់ទៅលើទីតាំងសរុបចំនួន ៦៨៦ និងពិន័យជាប្រាក់បានចំនួន ២ ៨០០ ០០០ រៀល៕