ភ្នំពេញៈ ក្រសួងសុខាភិបាលបានឱ្យដឹងថា មនុស្សជាង ៤០០ នាក់បន្ថែមទៀត បានរកឃើញឆ្លងវីរុសកូវីដ ១៩ និងមានអ្នកជាសះស្បើយជិត ៤០០ នាក់ ខណៈមានអ្នកស្លាប់ថ្មីទៀតមានចំនួន ១២ នាក់។
យោងតាមសេចក្តីប្រកាសរបស់ក្រសួងសុខាភិបាលនៅព្រឹកថ្ងៃទី ២ ខែកញ្ញា បានឱ្យដឹងថា មានអ្នកឆ្លងវីរុសកូវីដ ១៩ ចំនួន ៤១៦ នាក់ទៀត និងមានអ្នកជាសះស្បើយបន្ថែមចំនួន ៣៨៦ នាក់។
ក្រសួងបានបន្តថា ករណីរកឃើញឆ្លងថ្មីនេះ មានការឆ្លងក្នុងសហគមន៍ ចំនួន ៣០៤ នាក់ និងអ្នកដំណើរពីបរទេសចំនួន ១១២ នាក់។
គិតត្រឹមព្រឹក ថ្ងៃទី ២ ខែ កញ្ញា ឆ្នាំ ២០២១ នេះ កម្ពុជាមានអ្នកឆ្លងវីរុសកូវីដ ១៩ សរុបចំនួន ៩៣ ៩២៦ នាក់ អ្នកជាសះស្បើយសរុបចំនួន ៨៩ ៥០០ នាក់ និងអ្នកស្លាប់បានកើនឡើងដល់ ១ ៩២៨ នាក់ផងដែរ៕