.jpg)
អាជ្ញាធរក្រុងសិរីសោភ័ណ ឃាត់ខ្លួនអ្នកដែលប្រព្រឹត្តល្មើសនឹងវិធានការ ទប់ស្កាត់ការឆ្លងជំងឺកូវីដ ១៩ ក្នុងខេត្តបន្ទាយមានជ័យ នៅថ្ងៃទី ១ ខែកញ្ញា។ រូបភាព ក្រសួងមហាផ្ទៃ
ភ្នំពេញៈ គណៈកម្មការអន្តរក្រសួងដើម្បីប្រយុទ្ធនឹងជំងឺកូវីដ ១៩ បានប្រកាសនៅព្រឹកថ្ងៃទី ៣ ខែកញ្ញានេះថា សមត្ថកិច្ចបានឃាត់ខ្លួនមនុស្សចំនួន ៤៤ នាក់ និងម៉ូតូចំនួន ១៦ គ្រឿង បានប្រព្រឹត្តល្មើសនឹងវិធានការសុខាភិបាល និងវិធានការរដ្ឋបាល សរុប ២៤ ករណី នាថ្ងៃទី ០២ ខែកញ្ញា ។
ក្នុងចំណោមមនុស្ស ៤៤ នាក់ ដែលត្រូវបានឃាត់ខ្លួនមាន ៤១ នាក់ ត្រូវបានសមត្ថកិច្ចធ្វើការអប់រំ និងពិន័យ និង៣នាក់ត្រូវបានបញ្ជូនទៅតុលាការ។ ក្នុងថ្ងៃទី ២ ខែកញ្ញា សមត្ថកិច្ច បានធ្វើការផាកពិន័យជាទឹកប្រាក់បានសរុបចំនួន ៤,៨ លានរៀល។
ក្រៅពីនេះ សមត្ថកិច្ចបានធ្វើការអប់រំផ្សព្វផ្សាយច្បាប់ បានចំនួន ៨២១ ទីតាំង ៕
