ក្នុងរយៈពេល ៣៣ ថ្ងៃ គិតត្រឹមថ្ងៃទី ២ ខែកញ្ញា ក្រុមគ្រូពេទ្យ បានចាក់វ៉ាក់សាំងបង្ការជំងឺកូវីដ ១៩ ជូនកុមារ និងយុវវ័យ មានអាយុចាប់ពី ១២ឆ្នាំ ដល់ ១៧ឆ្នាំ បានចំនួន ១ ៦០០ ៧៨៩នាក់។ នេះបើតាមរបាយការណ៍របស់ក្រសួងសុខាភិបាល ចេញផ្សាយនៅថ្ងៃទី ៣ ខែកញ្ញានេះ។
វ៉ាក់សាំងបង្ការជំងឺកូវីដ ១៩ ដែលត្រូវបានប្រើសម្រាប់ចាក់ជូនកុមារ និងយុវវ័យ គឺជាវ៉ាក់សាំងស៊ីណូវ៉ាក់ ដែលផលិតដោយក្រុមហ៊ុននៅក្នុងប្រទេសចិន។
របាយការណ៍បានឱ្យដឹងទៀតថា គិតត្រឹមថ្ងៃទី ០២ ខែកញ្ញា នៅទូទាំងប្រទេស ប្រជាពលរដ្ឋបានចាក់វ៉ាក់សាំងបង្ការជំងឺកូវីដ ១៩ សរុបបានចំនួន ១០ ៩៧៨ ០៤៧ នាក់៕