កំពង់ចាមៈ រដ្ឋបាលខេត្តកំពង់ចាមបានប្រកាសនៅថ្ងៃទី ៣ កញ្ញានេះ ពីការរកឃើញអ្នកជំងឺកូវីដ ១៩ ចំនួន ៣៨ នាក់បន្ថែមទៀត តាមរយៈការធ្វើតេស្តរហ័ស និងព្យាបាលជាសះស្បើយចំនួន ១៩ នាក់ នៅថ្ងៃទី ២ កញ្ញា។
នៅថ្ងៃទី ២ កញ្ញា រដ្ឋបាលខេត្តកំពង់ចាមបានចាត់ឱ្យមន្ទីរសុខាភិបាលយកសំណាកធ្វើតេស្តរហ័សលើកម្មករ កម្មការិនី ពលករចំណូលស្រុក និងប្រជាពលរដ្ឋដែលមានការសង្ស័យចំនួន ៨២២ នាក់ ដោយរកឃើញអ្នកវិជ្ជមានជំងឺកូវីដ ១៩ ចំនួន ៣៨ នាក់។
អ្នកជំងឺចំនួន ៣៨ នាក់នោះ មាននៅក្រុងកំពង់ចាម ០១ នាក់ ស្រុកកំពង់សៀម ០១ នាក់ ស្រុកកោះសូទិន ០៤ នាក់ ស្រុកជើងព្រៃ ២៧ នាក់ ស្រុកព្រៃឈរ ០៣ នាក់ មកពីខេត្តត្បូងឃ្មុំ ០១ នាក់ និងមកពីខេត្តក្រចេះ ០១ នាក់។ គិតមកដល់ត្រឹមថ្ងៃទី ២ កញ្ញា ខេត្តកំពង់ចាមមានអ្នកជំងឺកូវីដសរុបចំនួន ៤ ៥២៩ នាក់៕