ភ្នំពេញៈ ក្រសួងសុខាភិបាលបានប្រកាសពីការរកឃើញអ្នកស្លាប់ដោយសារជំងឺកូវីដ ១៩ បន្ថែមទៀតចំនួន ២០ នាក់ ដែលធ្វើឱ្យកម្ពុជាមានអ្នកស្លាប់ដោយសារជំងឺនេះ កើនដល់ជាង ២ ០០០ នាក់ និងបានរកឃើញអ្នកឆ្លងថ្មីជិត ៦០០ នាក់ និងមានអ្នកជាសះស្បើយជិត ៥០០ នាក់ផងដែរ។
យោងតាមសេចក្តីប្រកាសនៅថ្ងៃទី ៩ ខែកញ្ញា បានឱ្យដឹងថា ក្រសួងបានរកឃើញ មានឆ្លងវីរុសកូវីដ ១៩ ចំនួន ៥៨៩ នាក់ និងមានអ្នកជាសះស្បើយចំនួន ៤៨០ នាក់។ អ្នកបានរកឃើញឆ្លងថ្មីនេះមានករណីឆ្លងក្នុងសហគមន៍ចំនួន ៤៤១ នាក់ និងអ្នកដំណើរពីបរទេសចំនួន ១៤៨ នាក់។
គិតត្រឹមព្រឹកថ្ងៃទី ៩ ខែ កញ្ញា ឆ្នាំ ២០២១ នេះ កម្ពុជាមានអ្នកឆ្លងវីរុសកូវីដ ១៩ សរុបចំនួន ៩៧ ៥២៤ នាក់ អ្នកជាសះស្បើយសរុបចំនួន ៩២ ៤៩៥ នាក់ និងអ្នកស្លាប់បានកើនឡើងរហូតដល់ ២ ០០៧ នាក់៕