.jpg)
អាជ្ញាធរខណ្ឌពោធិ៍សែនជ័យ ចុះអប់រំ និងពិន័យ ករណីល្មើសវិធានការរដ្ឋបាល នាពេលកន្លងទៅ។ រូបថត រដ្ឋបាលខណ្ឌពោធិ៍សែនជ័យ
ភ្នំពេញ៖ សមត្ថកិច្ចបានឃាត់មនុស្សធ្វើការអប់រំ និងពិន័យចំនួន ១៨ នាក់ បិទអាជីវកម្មមួយកន្លែង ឃាត់យានយន្ត ៤ គ្រឿង ពាក់ព័ន្ធករណីល្មើសវិធានការរដ្ឋបាល និងវិធានការសុខាភិបាល កាលពីម្សិលមិញ។ នេះបើតាមប្រកាសរបស់គណៈកម្មការអន្តរក្រសួងដើម្បីប្រយុទ្ធនឹងជំងឺកូវីដ ១៩ (គ.អ.ក) នៅព្រឹកនេះ។
តាមសេចក្តីជូនដំណឹង (គ.អ.ក) នៅព្រឹកថ្ងៃទី ១៣ ខែកញ្ញានេះបានឱ្យដឹងថា សមត្ថកិច្ចក៏បានឃាត់ខ្លួនមនុស្សធ្វើការអប់រំ និងពិន័យចំនួន ១៨ នាក់ បិទទីតាំងអាជីវកម្មមួយកន្លែង និងឃាត់យានយន្ត ៤ គ្រឿង ក្នុងនោះ រថយន្ត ៣ គ្រឿង ពាក់ព័ន្ធករណីល្មើសវិធានការរដ្ឋបាល និងវិធានការសុខាភិបាលនៅថ្ងៃទី ១២ ខែកញ្ញានេះ។
ក្នុងសេចក្តីជូនដំណឹងបានបញ្ជាក់ថា នៅថ្ងៃដដែលនោះ សមត្ថកិច្ចបានអនុវត្តវិធានការច្បាប់ចំនួន ១៦ ករណី និងផ្សព្វផ្សាយច្បាប់ទៅលើទីតាំងសរុបចំនួន ៥៣៣ និងពិន័យជាប្រាក់បានចំនួន ២ ២០០ ០០០ រៀល៕
