.jpg)
លោកនាយករដ្ឋមន្ត្រី ហ៊ុន សែន។ រូបថត SPM
លោកនាយករដ្ឋមន្រ្តី ហ៊ុន សែន បានលើកឡើងថា រដ្ឋាភិបាលបានផ្តល់ឱកាសឱ្យក្រុមហ៊ុនឯកជនអាចនាំយកវ៉ាក់សាំងសម្រាប់លក់ផងដែរ ប៉ុន្តែមកដល់ពេលនេះមិនទាន់ឃើញមានក្រុមហ៊ុនឯកជនណាមួយមានការនាំចូលវ៉ាក់សាំងមកលក់នៅឡើយទេ។
លោក ហ៊ុន សែន បានមានប្រសាសន៍នាព្រឹកថ្ងៃទី ១៧ ខែកញ្ញាថា៖ «យើងផ្តល់រួចហើយ តែបញ្ហាត្រង់ថាក្រុមហ៊ុនឯកជនរកទិញវ៉ាក់សាំងមិនបាន នេះជាបញ្ហា។ វ៉ាក់សាំងខ្លះត្រូវការសីតុណ្ហភាពទាបខ្លាំង ដើម្បីរក្សាគុណភាពវ៉ាក់សាំង តើក្រុមហ៊ុនឯកជនអាចធ្វើទៅរួចទេ?»។
ទាក់ទងនឹងការកំណត់តម្លៃសម្រាប់ក្រុមហ៊ុនឯកជនក្នុងការលក់វ៉ាក់សាំងនេះ លោក ហ៊ុន សែន បានបញ្ជាក់ថា វាជាសេដ្ឋកិច្ចទីផ្សារ វាអាស្រ័យលើអ្នកទិញ និងអ្នកលក់ តែរដ្ឋាភិបាលក៏ត្រូវចូលរួមក្នុងករណីនេះដែរ។
លោក ហ៊ុន សែន បានថ្លែងថា៖ «បើគេមិនស្ម័គ្រចិត្តចាក់វ៉ាក់សាំងដែលរដ្ឋផ្តល់ឱ្យទេ គេនឹងទៅរកសេវាឯកជនហើយ។ គោលការណ៍កំណត់តម្លៃ រដ្ឋាភិបាលមិនអាចកំណត់បានទេ តែរដ្ឋអាចអំពាវនាវកុំឱ្យមានការដាក់តម្លៃថ្លៃខ្ពស់ពេកបាន»៕
វីដេអូ៖
