ភ្នំពេញ៖ ក្រសួងសុខាភិបាលបានប្រកាសនៅថ្ងៃទី ១៧ កញ្ញា ពីការរកឃើញអ្នកវិជ្ជមានជំងឺកូវីដ ១៩ ចំនួន ៦៩៨ នាក់ និងអ្នកស្លាប់ដោយសារជំងឺនេះចំនួន ១១ នាក់បន្ថែមទៀត ខណៈអ្នកជាសះស្បើយថ្មីមាន ៤៦៥ នាក់។
ក្រសួងបានប្រកាសថា ក្នុងចំណោមអ្នកឆ្លងថ្មីចំនួន ៦៩៨ នាក់នេះ មានករណីនាំចូលពីក្រៅប្រទេសមានចំនួន ១៥១ នាក់។
បើតាមក្រសួងសុខាភិបាល គិតត្រឹមព្រឹកថ្ងៃទី ១៧ កញ្ញា កម្ពុជាមានអ្នកវិជ្ជមានជំងឺកូវីដ ១៩ សរុបចំនួន ១០២ ៨៣៤ នាក់ អ្នកជាសះស្បើយមាន ៩៦ ២៧៥ នាក់ ខណៈអ្នកស្លាប់មាន ២ ០៨៩ នាក់ និងករណីនាំចូលពីក្រៅប្រទេសមាន ១៧ ៥៧៩ នាក់៕