.jpg)
គ្រូពេទ្យនិយាយទៅកាន់បុរសដែលត្រូវបានរកឃើញវិជ្ជមានវីរុសកូវីដ១៩ម្នាក់ នៅកន្លែងយកសំណាកកូវីដ១៩ ក្នុងសាលាចតុមុខ ខណ្ឌដូនពេញ កាលពីថ្ងៃទី១៤ កញ្ញា។ ហេង ជីវ័ន
ភ្នំពេញៈ មនុស្សចំនួន១៣នាក់ទៀត បានស្លាប់ដោយសារជំងឺកូវីដ១៩ និងបានរកឃើញវិជ្ជមានមេរោគនេះទៅលើមនុស្សជាង៦០០នាក់និងមានអ្នកដែលត្រូវបានព្យាបាលជាសះស្បើយជាង៤០០នាក់ផងដែរ។ នេះបើតាមក្រសួងសុខាភិបាលនាព្រឹកថ្ងៃទី១៩ កញ្ញា ឆ្នាំ២០២១។
ក្រសួងសុខាភិបាល បញ្ជាក់តាមសេចក្តីប្រកាសថា ក្រសួងបានរកឃើញអ្នកមានវិជ្ជមានវីរុសកូវីដ១៩បន្ថែមចំនួន៦១២នាក់និងមានអ្នកព្យាបាលជាសះស្បើយចំនួន៤៦០នាក់។ អ្នកដែលរកឃើញឆ្លងថ្មីនេះមានករណីឆ្លងក្នុងសហគមន៍ចំនួន៥៣៤នាក់ និងអ្នកដំណើរមកពីបរទេស ចំនួន៧៨នាក់។
គិតត្រឹមព្រឹកថ្ងៃទី១៩ ខែកញ្ញា ឆ្នាំ២០២១ កម្ពុជាមានអ្នកឆ្លងវីរុសកូវីដ១៩សរុបចំនួន១០៤ ០៩៤នាក់ អ្នកជាសះស្បើយសរុបចំនួន៩៧ ២២៧នាក់ និងអ្នកស្លាប់បានកើនឡើងរហូតដល់២ ១០៩នាក់៕
