.jpg)
ក្រុមគ្រូបង្រៀនរង់ចាំផ្ដល់សំណាកឱ្យគ្រូពេទ្យ ដើម្បីធ្វើតេស្ដរកមេរោគកូវីដ ១៩ មុនបើកដំណើរការសាលាឡើងវិញ កាលពីថ្ងៃទី ១៩ កញ្ញា។ ហេង ជីវ័ន
ភ្នំពេញ ក្រសួងសុខាភិបាលបានប្រកាសរកឃើញអ្នកឆ្លងវីរុសកូវីដ ១៩ ចំនួនជាង ៦០០ នាក់បន្ថែមទៀត ខណៈអ្នកជាសះស្បើយមានជិត ៥០០ នាក់ និងអ្នកស្លាប់ថ្មីមានចំនួន ១៤ នាក់ ។
យោងតាមសេចក្តីប្រកាសរបស់ក្រសួងសុខាភិបាលនៅថ្ងៃទី ២០ ខែ កញ្ញា ឆ្នាំ ២០២១ នេះថា ក្រសួងបានរកឃើញអ្នកឆ្លងថ្មីបន្ថែមទៀតចំនួន ៦២២ នាក់ អ្នកជាសះស្បើយបន្ថែមចំនួន ៤៧៣ នាក់។ អ្នកឆ្លងថ្មីដែលបានរកឃើញនេះមានករណីឆ្លងក្នុងសហគមន៍ចំនួន ៤៤៤ នាក់ និងអ្នកដំណើរពីបរទេសចំនួន ១៧៨ នាក់។
គិតត្រឹមព្រឹកថ្ងៃទី ២០ ខែ កញ្ញា ឆ្នាំ ២០២១ កម្ពុជាមានអ្នកឆ្លងវីរុសកូវីដ ១៩ សរុបចំនួន ១០៤ ៧១៦ នាក់ អ្នកជាសះស្បើយចំនួន ៩៧ ៧០០ នាក់ និងអ្នកស្លាប់បានកើនឡើងរហូតដល់ ២ ១២៣ នាក់៕
