.jpg)
ក្រុមគ្រូពេទ្យមន្ទីរពេទ្យបង្អែកជាំក្សាន្ត រៀបចំសពអ្នកស្លាប់ដោយសារជំងឺកូវីដទៅបូជា នាពេលកន្លងមក។ រូបថត រដ្ឋបាលខេត្តព្រះវិហារ
ភ្នំពេញៈ មនុស្សចំនួន ១៧ នាក់បន្ថែមទៀត បានស្លាប់ដោយសារជំងឺកូវីដ ១៩ និងបានរកឃើញអ្នកឆ្លងថ្មីជាង ៦០០ នាក់ ខណៈមានអ្នកជាសះស្បើយជិត ៥០០ នាក់។
យោងតាមសេចក្តីប្រកាសរបស់ក្រសួងសុខាភិបាលនៅថ្ងៃទី ២១ ខែកញ្ញានេះ បានឱ្យដឹងថា ក្រសួងបានរកឃើញអ្នកឆ្លងវីរុសកូវីដ ១៩ បន្ថែមទៀត ចំនួន ៦២៨ នាក់ និងមានអ្នកជាសះស្បើយចំនួន ៤៨៦ នាក់។ អ្នកដែលបានរកឃើញឆ្លងបន្ថែមនេះ មានករណីឆ្លងក្នុងសហគមន៍ចំនួន ៥០៧ នាក់ និងអ្នកដំណើរពីបរទេសចំនួន ១២១ នាក់។
គិតត្រឹមព្រឹកថ្ងៃទី ២១ ខែ កញ្ញា ឆ្នាំ ២០២១ កម្ពុជាបានរកឃើញអ្នកឆ្លងវីរុសកូវីដ ១៩ សរុបចំនួន ១០៥ ៣៤៤ នាក់ អ្នកជាសះស្បើយសរុបចំនួន ៩៨ ១៨៦ នាក់ និងអ្នកស្លាប់បានកើនឡើងរហូតដល់ ២ ១៤០ នាក់៕
