.jpg)
ក្រុមគ្រូពេទ្យរៀបចំបូជាសពអ្នកស្លាប់ដោយសារជំងឺកូវីដ ១៩ នាពេលកន្លងមក។ រូបថត ហ្វេសប៊ុក
ភ្នំពេញៈ មនុស្សចំនួន ២២ នាក់ បានស្លាប់ដោយសារជំងឺកូវីដ ១៩ និងមានអ្នកវិជ្ជមានវីរុសកូវីដ ១៩ បន្ថែមទៀត ជាង ៦០០ នាក់ ខណៈមានជាសះស្បើយជិត ៥០០ នាក់។នេះបើយោងតាមសេចក្តីប្រកាសរបស់ក្រសួងសុខាភិបាលនាព្រឹកថ្ងៃទី ២៣ ខែ កញ្ញា ឆ្នាំ ២០២១ នេះ។
ក្រសួងបានបញ្ជាក់ថា ក្រសួងបានរកឃើញអ្នកឆ្លងថ្មីចំនួន ៦៣៨ នាក់ទៀត និងអ្នកជាសះស្បើយចំនួន ៤៧៩ នាក់។ ករណីរកឃើញថ្មីនេះ មានករណីឆ្លងក្នុងសហគមន៍ចំនួន ៥២៥ នាក់ និងអ្នកដំណើរពីបរទេសចំនួន ១១៣ នាក់។
គិតត្រឹមព្រឹកថ្ងៃទី ២៣ ខែ កញ្ញា ឆ្នាំ ២០២១ កម្ពុជាមានអ្នកឆ្លងវីរុសកូវីដ ១៩ សរុបចំនួន ១០៦ ៦១៩ នាក់ អ្នកជាសះស្បើយសរុបកើនឡើងដល់ ៩៩ ១៣៤ នាក់ រីឯអ្នកស្លាប់ក៏បានកើនរហូតដល់ ២ ១៧៦ នាក់៕
