.jpg)
គ្រូពេទ្យចុះយកសំណាកនៅវត្តមុនីសុវណ្ណ ហៅវត្តចំពុះក្អែក ក្រោយមានការផ្ទុះរីករាលដាលជំងឺកូវីដ ១៩។ រូបថត ហ្វេសប៊ុក
ក្រសួងសុខាភិបាលបានប្រកាសរកឃើញមានអ្នកឆ្លងវីរុសកូវីដ ១៩ រហូតជាង ៨០០ នាក់ និងមានអ្នកស្លាប់ថ្មីបន្ថែមទៀតចំនួន ២១ នាក់ ខណៈមានអ្នកជាសះស្បើយជិត ៥០០ នាក់ប៉ុណ្ណោះ។
យោងតាមសេចក្តីប្រកាសរបស់ក្រសួងសុខាភិបាលនៅព្រឹកថ្ងៃទី ២៤ ខែកញ្ញានេះ បានឱ្យដឹងថា ក្រសួងបានរកឃើញអ្នកឆ្លងថ្មីចំនួន ៨២២ នាក់ទៀត និងមានអ្នកជាសះស្បើយចំនួន ៤៩៤ នាក់។ អ្នកដែលឆ្លងថ្មីនេះមានករណីឆ្លងក្នុងសហគមន៍រហូតដល់ ៧១៦ នាក់ និងអ្នកដំណើរពីបរទេស ចំនួន ១០៦ នាក់។
គិតត្រឹមព្រឹកថ្ងៃទី ២៤ ខែ កញ្ញា ឆ្នាំ ២០២១ កម្ពុជាមានអ្នកឆ្លងវីរុសកូវីដ ១៩ សរុបរហូតដល់ ១០៧ ៤៤១ នាក់ អ្នកជាសះស្បើយសរុបចំនួន ៩៩ ៦២៨ នាក់ និងអ្នកស្លាប់បានកើនឡើងដល់ ២ ១៩៧ នាក់៕
