ភ្នំពេញៈក្រសួងសុខាភិបាលបានប្រកាសរកឃើញអ្នកឆ្លងវីរុសកូវីដ១៩ បន្ថែមទៀត ជិត ៩០០ នាក់និងមានអ្នកជាសះស្បើយជាង ៥០០ នាក់ ខណៈអ្នកស្លាប់ថ្មីដោយសារជំងឺកូវីដ១៩ មានរហូតដល់ ២៦ នាក់។
យោងតាមសេចក្តីប្រកាសរបស់ក្រសួងសុខាភិបាល នៅព្រឹកថ្ងៃទី២៨ ខែកញ្ញានេះ បានឱ្យដឹងថា ក្រសួងបានរកឃើញអ្នកឆ្លងវីរុសកូវីដ១៩ចំនួន ៨៦៦នាក់ទៀត និងមានអ្នកជាសះស្បើយចំនួន៥០៥ នាក់។ការរកឃើញឆ្លងថ្មីនេះមានករណីឆ្លងសហគមន៍ចំនួន ៧៨៣នាក់និងអ្នកដំណើរពីបរទេសចំនួន ៨៣នាក់។
គិតត្រឹមព្រឹកថ្ងៃទី២៨ ខែកញ្ញា ឆ្នាំ២០២១ កម្ពុជាមានអ្នកឆ្លងវីរុសកូវីដ១៩សរុបចំនួន ១១០ ៧៩២នាក់ អ្នកជាសះស្បើយ សរុបចំនួន១០១ ៦៩០នាក់ និងអ្នកស្លាប់បានកើនឡើងចំនួន ២ ២៨៧នាក់៕