.jpg)
អាជ្ញាធរខណ្ឌដូនពេញចុះបាញ់ថ្នាំសម្លាប់មេរោគនៅវត្តសារាវ័នតេជោ ក្រោយមានការរីករាលដាលជំងឺកូវីដ ១៩ នាពេលកន្លងទៅ។ ហេង ជីវ័ន
ភ្នំពេញៈ មនុស្សជិត ៩០០ នាក់ ត្រូវបានរកឃើញឆ្លងវិជ្ជមានវីរុសកូវីដ ១៩ បន្ថែមទៀត និងមានអ្នកជាសះស្បើយជាង ៥០០ នាក់ ខណៈមានអ្នកស្លាប់ថ្មីដោយសារជំងឺនេះមានចំនួន ១៥ នាក់។ នេះបើយោងតាមសេចក្តីប្រកាសរបស់ក្រសួងសុខាភិបាល។
សេចក្តីប្រកាសបានឱ្យដឹងថាមនុស្សចំនួន ៨៨១ នាក់ រកឃើញមានឆ្លងវីរុសកូវីដ ១៩ និងមានអ្នកជាសះស្បើយចំនួន ៥៣២ នាក់។ អ្នកដែលរកឃើញឆ្លងថ្មីនេះ មានករណីឆ្លងសហគមន៍ចំនួន ៨១៦ នាក់ និងអ្នកដំណើរពីបរទេសចំនួន ៦៥ នាក់។
គិតត្រឹមព្រឹកថ្ងៃទី ២៩ ខែ កញ្ញា ឆ្នាំ ២០២១ កម្ពុជាមានអ្នកឆ្លងវីរុសកូវីដ ១៩ សរុបចំនួន ១១១ ៦៧៣ នាក់ អ្នកជាសះស្បើយចំនួន ១០២ ២២២ នាក់ និងអ្នកស្លាប់បានកើនឡើងរហូតដល់ ២ ៣០២ នាក់៕
