.jpg)
គ្រូពេទ្យយកសំណាកស្ត្រីម្នាកនៅវត្តចាក់អង្រែក្រោម កាលពីថ្ងៃទី ២៤ កញ្ញា។ រូបថត យូសុះ អាប់ឌុលរ៉ាស់ហ៊ីម
ភ្នំពេញ៖ ក្រសួងសុខាភិបាលបានប្រកាសរកឃើញអ្នកឆ្លងវីរុសកូវីដ ១៩ បន្ថែមទៀតចំនួនតែជាង ២០០ នាក់ និងមានអ្នកជាសះស្បើយរហូតដល់ជាង ៥០០ នាក់ ខណៈមានអ្នកស្លាប់ដោយសារជំងឺកូវីដ ១៩ ចំនួន ១៧ នាក់។
យោងតាមសេចក្តីប្រកាសរបស់ក្រសួងសុខាភិបាលនៅថ្ងៃទី ០១ ខែ តុលា ឆ្នាំ ២០២១ នេះ បានឱ្យដឹងថា ក្រសួងបានរកឃើញអ្នកឆ្លងវីរុសកូវីដ ១៩ ចំនួន ២៣២ នាក់ និងមានអ្នកជាសះស្បើយចំនួន ៥៥៦ នាក់។ ការរកឃើញឆ្លងនេះ មានករណីឆ្លងសហគមន៍ ចំនួន ១៨៧ នាក់ និងអ្នកដំណើរពីបរទេសចំនួន ៤៥ នាក់។
គិតត្រឹមព្រឹកថ្ងៃទី ០១ ខែ តុលា ឆ្នាំ ២០២១ កម្ពុជាមានអ្នកឆ្លងវីរុសកូវីដ ១៩ សរុបចំនួន ១១២ ៨៨៣ នាក់ អ្នកជាសះស្បើយចំនួន ១០៣ ៣៨៣ នាក់ និងអ្នកស្លាប់បានកើនឡើងរហូតដល់ ២ ៣៣៦ នាក់៕
