ក្រសួងសុខាភិបាលបានប្រកាសរកឃើញអ្នកឆ្លងវីរុសកូវីដ ១៩ បន្ថែមទៀត ដែលទទួលលទ្ធផលដោយម៉ាស៊ីនធំ PCR មានចំនួនជិត ២០០ នាក់ និងមានអ្នកជាសះស្បើយជិត ៥០០ នាក់ ខណៈអ្នកស្លាប់មានរហូតដល់ ២៣ នាក់។
យោងតាមសេចក្តីប្រកាសរបស់ក្រសួងសុខាភិបាលនៅព្រឹកថ្ងៃទី ០៣ ខែ តុលា ឆ្នាំ ២០២១ នេះបានលើកឡើងថា អ្នកឆ្លងវីរុសកូវីដ ១៩ មានចំនួន ១៩៩ នាក់ និងមានអ្នកជាសះស្បើយរហូតដល់ ៤៩០ នាក់។ ចំនួននៃការរកឃើញថ្មីនេះមានករណីឆ្លងសហគមន៍ចំនួន ១៥៥ នាក់ និងអ្នកដំណើរពីបរទេសចំនួន ៤៤ នាក់។
គិតត្រឹមព្រឹក ថ្ងៃទី ០៣ ខែតុលា ឆ្នាំ ២០២១ កម្ពុជាមានអ្នកឆ្លងវីរុសកូវីដ ១៩ សរុបចំនួន ១១៣ ២៥៦ នាក់ អ្នកជាសះស្បើយសរុបចំនួន ១០៤ ៤០៨ នាក់ និងអ្នកស្លាប់បានកើនឡើងរហូតដល់ ២ ៣៨៣ នាក់៕