កំណើននៃអត្រាចាក់វ៉ាក់សាំងបង្ការជំងឺកូវីដ ១៩ នៅកម្ពុជា គិតត្រឹមថ្ងៃទី ៣ ខែតុលា ឆ្នាំ ២០២១ ប្រជាពលរដ្ឋអាយុពី ១៨ ឆ្នាំឡើងចំនួន ជាង ៩,៩ លាននាក់ ឬស្មើនឹង ៩៩,១២% ធៀបជាមួយចំនួនប្រជាជនគោលដៅ ១០ លាននាក់ បានចាក់វ៉ាក់សាំងរួចរាល់។
យោងតាមរបាយការណ៍របស់គណៈកម្មការចំពោះកិច្ចចាក់វ៉ាក់សាំងកូវីដ ១៩ ក្នុងក្របខ័ណ្ឌទូទាំងប្រទេសបានឱ្យដឹងថា ចំពោះការចាក់វ៉ាក់សាំងសម្រាប់ក្រុមមនុស្សអាយុពី ១២ ឆ្នាំទៅក្រោម ១៨ ឆ្នាំមានចំនួនជាង ១,៧ លាននាក់ ដែលស្មើនឹង ៨៩,៦៤% ធៀបជាមួយចំនួនប្រជាជនគោលដៅជិត ២ លាននាក់។
ប្រភពដដែលបានបន្តថា ចំណែកក្រុមកុមារអាយុពី ០៦ ឆ្នាំ ដល់ក្រោម ១២ ឆ្នាំ មានចំនួនជាង ១,៧ លាននាក់ហើយបានចាក់វ៉ាក់សាំងកូវីដ ១៩ ឬស្មើនឹង ៩៣,០៨% ធៀបជាមួយនឹងប្រជាជនគោលដៅ ១ ៨៩៧ ៣៨២ នាក់៕