.jpg)
ការអនុវត្តវិធានការច្បាប់ចំពោះបុគ្គលដែលល្មើសនឹងវិធានការសុខាភិបាល និងវិធានការរដ្ឋបាល របស់គណៈកម្មការអន្តរក្រសួង។
គណៈកម្មការអន្តរក្រសួង ដើម្បីប្រយុទ្ធនឹងជំងឺកូវីដ ១៩ បានប្រកាសឱ្យដឹងថា សម្រាប់ថ្ងៃទី ០៣ ខែតុលាថា សមត្ថកិច្ចបានធ្វើការអនុវត្តវិធានការច្បាប់បានចំនួន ១០ ករណី ព្រមទាំងបានធ្វើការផាកពិន័យជាទឹកប្រាក់សរុបចំនួន ២២,៣ លានរៀលផងដែរ។
យោងតាមលទ្ធផលអនុវត្តវិធានការច្បាប់ចំពោះបុគ្គលដែលល្មើសនឹងវិធានការសុខាភិបាល និងវិធានការរដ្ឋបាល របស់គណៈកម្មការអន្តរក្រសួងនេះបានបញ្ជាក់ទៀតថា ក្នុងការអនុវត្តវិធានការច្បាប់នេះ មនុស្សចំនួន ២០ នាក់ត្រូវបានឃាត់ខ្លួនធ្វើការអប់រំ និងពិន័យ និងឃាត់រថយន្តចំនួន ២ គ្រឿង និងម៉ូតូ ៨ គ្រឿងផងដែរ។
ក្នុងចំណោមអ្នកដែលបានល្មើសវិធានការទាំងនេះ មិនមានអ្នកណាត្រូវបានបញ្ជូនទៅតុលាការទេ៕
