The Phnom Penh Post Search

Search form

Logo of Phnom Penh Post newspaper Phnom Penh Post - យុវជន​កម្ពុ​ជាជាង​ ៤ ០០០ ​នាក់​ បានទទួល​​វគ្គ​បណ្ដុះបណ្ដាល​កម្មវិធី​ធុរកិច្ច​ជាតិ​កម្ពុជា​




យុវជន​កម្ពុ​ជាជាង​ ៤ ០០០ ​នាក់​ បានទទួល​​វគ្គ​បណ្ដុះបណ្ដាល​កម្មវិធី​ធុរកិច្ច​ជាតិ​កម្ពុជា​

Content image - Phnom Penh Post
យុវជន​កម្ពុ​ជាជាង​ ៤ ០០០ ​នាក់​ បានទទួល​​វគ្គ​បណ្ដុះបណ្ដាល​កម្មវិធី​ធុរកិច្ច​ជាតិ​កម្ពុជា​។ រូបថត MoEYS

យុវជន​កម្ពុ​ជាជាង​ ៤ ០០០ ​នាក់​ បានទទួល​​វគ្គ​បណ្ដុះបណ្ដាល​កម្មវិធី​ធុរកិច្ច​ជាតិ​កម្ពុជា​

ភ្នំពេញៈ​ យុវជន​កម្ពុ​ជាជាង​ ៤​ ពាន់​នាក់ ​បានទទួល​វគ្គប​ណ្តុះ​បណ្តាល​ក្នុង​ «​កម្មវិធី​ធុរកិច្ច​ជាតិ​កម្ពុជា​សម្រាប់​យុវជន​»​។ នេះ​បើតាម​ការផ្សាយ​របស់​ក្រសួង​អប់រំ យុវជន និង​កីឡា ​ក្នុង​ទិវា​សហគ្រិន​
​ភាព​ឆ្នាំ ​២០២១ ដែល​បាន​ប្រព្រឹត្តទៅ​កាលពី​ចុងខែ​កញ្ញា និង​ផ្សាយ​ផ្ទាល់​លើ​ហ្វេ​ស​ប៊ុ​ក​ក្រសួង​អប់រំ​។​

​លោកស្រី ស្រូ​យ សុជាតិ អគ្គនាយក​នៃ​អគ្គនាយកដ្ឋាន​យុវជន នៃ​ក្រសួង​អប់រំ យុវជន និង​កីឡា ថ្លែងថា កម្មវិធី​ធុរកិច្ច​ជាតិ​កម្ពុជា​សម្រាប់​យុវជន ត្រូវបាន​រៀបចំឡើង​ក្នុង​គោលបំណង​លើកកម្ពស់​ចំណេះដឹង​អាជីវកម្ម​ និង​សហគ្រិនភាព​ជំនាញ​មូលដ្ឋាន​ ដើម្បី​ចាប់យក​សហគ្រិន​ប្រកបដោយ​ចីរភាព​ និង​ក្លាយជា​សហគ្រិន​ដោយ​ជោគជ័យ​។

​ម្យ៉ាងទៀត ក៏​ជាការ​លើកទឹកចិត្ត​ការ​រៀនសូត្រ និង​ការចែករំលែក​ចំណេះដឹង​ពី​មិត្តភក្តិ​ម្នាក់​ទៅ​មិត្តភក្តិ​ម្នាក់ទៀត ​នៅក្នុង​ចំណោម​យុវជន​ និង​ចង់​បង្កើត​ការ​សម្រប​ខ្លួន​របស់​យុវជន ​និង​ភាព​ធន់​នៅក្នុង​ចំណោម​យុវជន​នៅក្នុងពេល​មាន​ជំងឺ​រាតត្បាត​។​

​លោកស្រីបាន​បញ្ជាក់ថា ទោះបីជា​ស្ថិតក្នុង​វិបត្តិ​កូ​វីដ ​១៩ ក៏​កម្មវិធី​ធុរកិច្ច​ជាតិ​កម្ពុជា​សម្រាប់​យុវជន បណ្តុះ​​បណ្តាល​យុវជន​បាន​ចំនួន​ ៤ ៤២២ ​នាក់ ក្នុងនោះ​មាន​ស្រី​ ២ ៧៨៨ ​នាក់​។

​លោកស្រី​ថ្លែងថា​៖ «​វគ្គ​បណ្តុះបណ្តាល​នេះ​ផ្អែក​សំខាន់​លើ​យុទ្ធសាស្ត្រ សកម្មភាព និង​មេរៀន​ស្តីពី​ការត្រៀមខ្លួន​សម្រាប់​អាជីវកម្ម ផ្តោតលើ​ចំណុច​សំខាន់​ ៤ ​គឺ ការកំណត់​ចក្ខុវិស័យ​អាជីវកម្ម ការជ្រើសរើស​នូវ​គំនិត ការស្វែងយល់​ពី​ទីផ្សារ និង​ផែនការអាជីវកម្ម ហើយ​បន្ទាប់មក​យុវជន​ទាំងនោះ ចងក្រង​ជា​ក្រុម​តូចៗ ដើម្បី​បង្កើតបានជា​អាជីវកម្ម​របស់ខ្លួន​ដើម្បី​ប្រកួតប្រជែង​»​។

​បើតាម​លោកស្រី ស្រូ​យ សុជាតិ កម្មវិធី​ធុរកិច្ច​ជាតិ​សម្រាប់​យុវជន​ត្រូវបាន​រៀបចំឡើង​ដោយ​ក្រសួង​អប់រំ ​យុវជន និង​កីឡា សហការ​ជាមួយ​អង្គការ​អន្តរជាតិ​ខាង​ការងារ (ILO) ក្រោម​ការឧបត្ថម្ភ និង​គាំទ្រ​ដោយ
​ទីភ្នាក់ងារ​ជំនួយ​អាមេរិក (USAID) និង​អង្គការ​ផេ​ក (Pact Cambodia) កម្មវិធី​មុខរបរ និង​ការងារ​សម្រាប់​​យុវជន​កម្ពុជា (DEY) ទីភ្នាក់ងារ​ស្វ៊ី​ស​សម្រាប់​ការអភិវឌ្ឍ និង​កិច្ចសហប្រតិបត្តិការ (SDC) រដ្ឋាភិបាល​ជប៉ុន ក្រុមហ៊ុន Smart Axiata និង​ធនាគារ​វី​ង ​(Wing)៕

អត្ថបទគួរចាប់អារម្មណ៍