.jpg)
ទិដ្ឋភាពឈាបនដ្ឋាននៅវត្តឫស្សីសាញ់ ក្នុងខណ្ឌដង្កោ រាជធានីភ្នំពេញ កាលពីថ្ងៃទី ២០ កក្កដា។ ហ៊ាន រង្សី
ភ្នំពេញៈ ក្រសួងសុខាភិបាល បានប្រកាស នៅថ្ងៃទី ៤ តុលា ពីការរកឃើញអ្នកវិជ្ជមានជំងឺកូវីដ ១៩ ចំនួន ២១៩ នាក់ និងអ្នកស្លាប់ដោយសារជំងឺនេះចំនួន ២៣ នាក់បន្ថែមទៀត ខណៈអ្នកជាសះស្បើយថ្មីមាន ៤៥៧ នាក់។
ក្រសួងបានប្រកាសថា ក្នុងចំណោមអ្នកឆ្លងថ្មីចំនួន ២១៩ នាក់នេះ មានករណីនាំចូលពីក្រៅប្រទេសមានចំនួន ៤០ នាក់។
បើតាមក្រសួងសុខាភិបាល គិតត្រឹមព្រឹកថ្ងៃទី ៤ តុលា កម្ពុជាមានអ្នកវិជ្ជមានជំងឺកូវីដ ១៩ សរុបចំនួន ១១៣ ៤៧៥ នាក់ អ្នកជាសះស្បើយមាន ១០៤ ៨៦៥ នាក់ ខណៈអ្នកស្លាប់មាន ២ ៤០៦ នាក់៕
