.jpg)
លោក ឡុង ឌីម៉ង់ ដែលត្រូវបានតែងតាំងជាអភិបាលរងខេត្តព្រះសីហនុ។ រូបថត ឡុង ឌីម៉ង់
លោក ឡុង ឌីម៉ង់ ដែលទើបបញ្ចប់បេសកកម្មរយៈពេល ៥ ឆ្នាំ ក្នុងតួនាទីជាឯកអគ្គរាជទូតកម្ពុជាប្រចាំនៅប្រទេសកូរ៉េខាងត្បូង ត្រូវបានរាជរដ្ឋាភិបាលកម្ពុជា ផ្តល់ទំនុកចិត្តតែងតាំងជាអភិបាលរងខេត្តព្រះសីហនុ។
យោងអនុក្រឹត្យស្តីពីការតែងតាំងមន្ត្រីរាជការ ចុះហត្ថលេខាដោយលោកនាយករដ្ឋមន្ត្រី ហ៊ុន សែន ចុះថ្ងៃទី ៤ ខែ តុលា ឆ្នាំ ២០២១ បានសម្រេចតែងតាំងលោក ឡុង ឌីម៉ង់ ឋានន្តរស័ក្តិវរមន្ត្រី ថ្នាក់លេខ ២ ឱ្យកាន់មុខតំណែងជាអភិបាលរងនៃគណៈអភិបាលខេត្តព្រះសីហនុ។
អនុក្រឹត្យបន្តថា រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី រដ្ឋមន្ត្រីក្រសួងមហាផ្ទៃ រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ រដ្ឋមន្ត្រីក្រសួងមុខងារសាធារណៈ រដ្ឋមន្ត្រីគ្រប់ក្រសួង ប្រធានគ្រប់ស្ថាប័នដែលពាក់ព័ន្ធ និងសាម៉ីខ្លួនត្រូវទទួលបន្ទុកអនុក្រឹត្យនេះតាមភារកិច្ចរៀងៗខ្លួនចាប់ពីថ្ងៃចុះហត្ថលេខាតទៅ។
សូមជម្រាបថា លោក ឡុង ឌីម៉ង់ គឺជាអតីតអ្នកនាំពាក្យ និងជាអនុប្រធានរដ្ឋបាលនៃសាលារាជធានីភ្នំពេញ។ ក្រោយមកនៅឆ្នាំ ២០១៦ លោកត្រូវបានព្រះមហាក្សត្រតែងតាំងជាឯកអគ្គរាជទូតវិសាមញ្ញ និងពេញសមត្ថភាពប្រចាំប្រទេសកូរ៉េខាងត្បូង និងបានបញ្ចប់បេសកកម្មការទូតរយៈពេល ៥ ឆ្នាំនៅប្រទេសកូរ៉េ ត្រឹមខែកញ្ញា ឆ្នាំ ២០២១៕
វីដេអូ៖
