.jpg)
រដ្ឋបាលខេត្តកំពង់ចាម សម្រេចបើកដំណើរការ ផ្សារស្ពឺឡើងវិញចាប់ពីថ្ងៃទី ៦ តុលា។ រូបថត សហការី
រដ្ឋបាលខេត្តកំពង់ចាម បានសម្រេចដាក់ឱ្យដំណើរការឡើងវិញនូវផ្សារស្ពឺ ស្ថិតនៅភូមិស្ពឺកើត ឃុំស្ពឺ ស្រុកចំការលើ ចាប់ពីថ្ងៃទី ៦ ខែតុលានេះតទៅ បន្ទាប់ពីបិទខ្ទប់មួយរយៈដោយសារអាជីវករមួយចំនួនមានផ្ទុកវិជ្ជមានកូវីដ ១៩។ នោះបើតាមសេចក្តីសម្រេចរដ្ឋបាលខេត្ត។
សេចក្តីសម្រេចបន្តថា នាយករដ្ឋបាលសាលាខេត្ត ស្នងការនគរបាលខេត្ត មេបញ្ជាការកងរាជអាវុធហត្ថ លោកអភិបាលនៃគណៈអភិបាលស្រុកចំការលើ មន្ទីរ-អង្គភាពពាក់ព័ន្ធ និងបងប្អូនអាជីវករក្នុងផ្សារស្ពឺ ត្រូវអនុវត្តសេចក្តីសម្រេចនេះឱ្យមានប្រសិទ្ធភាពខ្ពស់ចាប់ពីថ្ងៃជូនដំណឹងនេះ។
សូមជម្រាបថា ចំពោះផ្សារស្ពឺ ត្រូវបានរដ្ឋបាលខេត្តកំពង់ចាម សម្រេចបិទខ្ទប់ជាបណ្តោះអាសន្នកាលពីថ្ងៃទី ២២ ខែ កញ្ញា ឆ្នាំ ២០២១ ដោយសារមានបងប្អូនអាជីវករក្នុងផ្សារនេះមានវិជ្ជមានកូវីដ ១៩៕
