.jpg)
មនុស្ស ៥ នាក់លង់ទឹកសមុទ្រនៅចំណុចឆ្នេរជំទាវម៉ៅ ខេត្ដព្រះសីហនុ ក្នុងនោះរកឃើញ ២នាក់ រីឯ ៣នាក់ទៀតកំពុងរុករក។ រូបថត សហការី
ព្រះសីហនុៈ មនុស្សចំនួន ៥ នាក់បានលង់ទឹកសមុទ្រពេលកំពុងលេងទឹក នៅអំឡុងម៉ោងជាង ៣ រសៀល ថ្ងៃទី ៧ ខែតុលានេះ ស្ថិតនៅចំណុចឆ្នេរដើមឈើចាំស្នេហ៍ ឆ្នេរជំទាវម៉ៅ ឃុំគគីរ ឃុំបិតត្រាំង ស្រុកព្រៃនប់ ខណៈភ្លាមនោះសមត្ថកិច្ចបានរុករកឃើញមនុស្សចំនួន ២ នាក់ ក្នុងនោះ ១ នាក់បញ្ជូនទៅមន្ទីរពេទ្យសង្រ្គោះទាន់ពេល និងស្លាប់ ១ នាក់ ស្រី ចំណែក ៣ នាក់ទៀតសមត្ថកិច្ចកំពុងបន្តរុករកនៅឡើយ។ នេះបើតាមលោក ជួន ណារិន្ទ ស្នងការនគរបាលខេត្តព្រះសីហនុ។
លោក ជួន ណារិន្ទ ថ្លែងប្រាប់ភ្នំពេញប៉ុស្ដិ៍នៅម៉ោងជាង ៥ ល្ងាចថ្ងៃទី៧ ខែតុលានេះថា ក្រោយទទួលបានព័ត៌មានករណីមានមនុស្សលង់ទឹកនេះ លោក គួច ចំរើន អភិបាលខេត្ដព្រះសីហនុ បានដឹកនាំកងកម្លាំងចុះជួយអន្តរាគមន៍ស្វែងរកភ្លាមៗ រកឃើញមនុស្សចំនួន ២ នាក់ ក្នុងនោះ ១នាក់ បានបញ្ជូនទៅសង្គ្រោះនៅមន្ទីរពេទ្យទាន់ពេលរួចផុតពីការស្លាប់។
លោកថ្លែងថា៖ «យើងបានចុះអន្តរាគមន៍ស្វែងរកបងប្អូនយើងដែលលង់ទឹកភ្លាមៗ ដោយអន្តរាគមន៍រកឃើញបាន ២នាក់ សង្រ្គោះផុតជីវិត ១នាក់។ ហើយនៅ ៣នាក់ទៀតយើងកំពុងតែរុករកបន្ត ដោយឯកឧត្ដមអភិបាលខេត្ដកំពុងដឹកនាំនៅទីតាំងនោះ»៕
វីដេអូ៖
