.jpg)
ឧបករណ៍តេស្តរហ័សរកមេរោគកូវីដ ១៩។ ហុង មិនា
អភិបាលរាជធានីភ្នំពេញ លោក ឃួង ស្រេង បានបើកផ្តល់ជូនតេស្តរហ័សទៅដល់មន្ទីរអប់រំ យុវជន និងកីឡា សម្រាប់ត្រៀមធ្វើតេស្តរកមេរោគកូវីដ ១៩ លោកគ្រូអ្នកគ្រូនៅតាមគ្រប់គ្រឹះស្ថានសិក្សាទាំងអស់នៅរាជធានីភ្នំពេញ ហើយអាជ្ញាធររាជធានីភ្នំពេញក៏បានត្រៀមរួចជាស្រេចក្នុងការឆ្លើយតបទៅនឹងការឆ្លងរាលដាលណាមួយនៃវីរុសកូវីដ ១៩ បន្ទាប់ពីពិធីបុណ្យភ្ជុំបិណ្ឌត្រូវបានបញ្ចប់ផងដែរ។
ប្រធានមន្ទីរសុខាភិបាលរាជធានីភ្នំពេញ លោក ងី មានហេង បានលើកឡើងដូចនេះ នាថ្ងៃទី ០៨ ខែតុលា ដោយលោកបានបញ្ជាក់ថា ជាមួយគ្នានេះ មន្ត្រីនៃមន្ទីរសុខាភិបាលក៏បានត្រៀមធ្វើតេស្តរហ័សនេះផងដែរ នៅថ្ងៃចន្ទសប្តាហ៍ក្រោយ។
លោកបានថ្លែងថា៖ «យើងធ្វើតេស្តរហ័សដើម្បីចង់ដឹងខ្លាចក្រែងពួកគាត់មានជួបហានិភ័យក្នុងពេលឈប់សម្រាកថ្ងៃបុណ្យភ្ជុំ ដោយសាររូបភាពខ្លះ ពួកគាត់មិនមានការប្រយ័ត្នទេ ដោយមានការជួបជុំគ្នា ដូចនៅក្នុងសម័យគ្មានកូវីដចឹង!»។
បើតាម លោក ងី មានហេង នៅក្នុងរាជធានីភ្នំពេញ មានទីតាំងសម្រាប់ធ្វើការព្យាបាល និងធ្វើចត្តាឡីស័កចំនួន ១១ កន្លែង៕
វីដេអូ៖
