.jpg)
គ្រូពេទ្យបញ្ជូនសពអ្នកជំងឺស្លាប់ដោយសារជំងឺកូវីដទៅបូជា នាពេលកន្លងមក។ រូបថត មន្ទីរបង្អែកខេត្តកោះកុង
ភ្នំពេញៈ មនុស្សចំនួន ១៥ នាក់បន្ថែមទៀត បានស្លាប់ដោយសារជំងឺកូវីដ ១៩ និងរកឃើញអ្នកឆ្លងថ្មី ជិត ៣០០ នាក់ (PCR) និងបានជាសះស្បើយជិត ៥០០ នាក់។ នេះបើតាមសេចក្តីប្រកាសរបស់ក្រសួងសុខាភិបាល។
ក្រសួងសុខាភិបាលបានបញ្ជាក់ថា មនុស្សចំនួន ២៧២ នាក់ទៀត បានរកឃើញមានវិជ្ជមានវីរុសកូវីដ ១៩ និងមានអ្នកជាសះស្បើយចំនួន ៤៩៤ នាក់។ អ្នករកឃើញថ្មីនេះមានករណីឆ្លងសហគមន៍ចំនួន ២៤៧ នាក់ និងអ្នកដំណើរពីបរទេសចំនួន ២៥ នាក់។
គិតត្រឹមព្រឹក ថ្ងៃទី ១៣ ខែ តុលា ឆ្នាំ ២០២១ កម្ពុជាមានអ្នកឆ្លងវីរុសកូវីដ ១៩ សរុបចំនួន ១១៥ ៦០៧ នាក់ អ្នកជាសះស្បើយ សរុបចំនួន ១០៩ ២៩៦ នាក់ និងអ្នកស្លាប់បានកើនឡើងរហូតដល់ ២ ៥៥៩ នាក់៕
