ក្រសួងបរិស្ថានបានបន្តផ្តល់ម៉ូតូដឹកសំរាម សំណល់រឹងទៅដល់រដ្ឋបាលក្រុង-ស្រុកចំនួន ១១ ទៀតក្នុងខេត្តចំនួន ៤ ដើម្បីឈានទៅមានភាពជាម្ចាស់ក្នុងការគ្រប់គ្រងសំរាម សំណល់រឹងទីប្រជុំជនឱ្យស្អាត ឱ្យអស់ ទាន់ពេល និងមាននិរន្តរភាព។
យោងតាមអគ្គនាយកដ្ឋានគាំពារបរិស្ថាននៅថ្ងៃទី ១៥ ខែតុលា ឆ្នាំ ២០២១ បានឱ្យដឹងថា ម៉ូតូដឹកសំរាម សំណល់រឹង ចំនួន ១១ គ្រឿងត្រូវបានប្រគល់ទៅដល់ខេត្តចំនួន ៤ រួមមានខេត្តក្រចេះ ខេត្តមណ្ឌលគិរី ខេត្តរតនគិរី និងខេត្តស្ទឹងត្រែង។
ម៉ូតូដឹកសំរាម សំណល់រឹងទាំងនោះផ្តល់ជូន ខេត្តក្រចេះ ចំនួន ៤ គ្រឿង សម្រាប់ស្រុកចិត្របុរី សំបូរ ព្រែកប្រសព្វ និងស្រុកឆ្លូង, ខេត្តមណ្ឌលគិរី ទទួលបានម៉ូតូ ២ គ្រឿង មានក្រុងសែនមនោរម្យ និងស្រុកកោះញែក, ខេត្តរតនគិរី ទទួលបានម៉ូតូ ១ គ្រឿង សម្រាប់ស្រុកតាវែង និង ខេត្តស្ទឹងត្រែង ទទួលបានម៉ូតូ ៤ គ្រឿង សម្រាប់ស្រុកសៀមប៉ាង ថាឡាបរិវ៉ាត់ សេសាន និងបុរីអូរស្វាយសែនជ័យ។
គួរបញ្ជាក់ផងដែរថា កាលពីសប្តាហ៍មុន រថយន្ត និងម៉ូតូដឹកសំរាម សំណល់រឹងចំនួន ១៧ គ្រឿងត្រូវបានក្រសួងបរិស្ថានប្រគល់ជូនអង្គភាព រដ្ឋបាលក្រុង-ស្រុក ចំនួន ១៦ មកពីរាជធានី-ខេត្ត ចំនួន ៨ និងអង្គការចំនួន ០១ ផងដែរ៕