.jpg)
នគរបាលខេត្តបាត់ដំបង ឃាត់ខ្លួនមេខ្យល់ ៣ នាក់ និងពលរដ្ឋ ៥ នាក់ ខណៈពួកគេបម្រុងឆ្លងដែនចូលទឹកដីថៃ។ រូបថត ប៉ូលីស
បាត់ដំបងៈ នគរបាលការពារព្រំដែន កម្ពុជា-ថៃ ខេត្តបាត់ដំបង បានឃាត់ខ្លួនមេខ្យល់ ៣ នាក់ និងពលរដ្ឋ ៥ នាក់ ខណៈពួកគេបម្រុងឆ្លងដែនចូលទឹកដីថៃ ដោយខុសច្បាប់ នៅថ្ងៃទី ១៥ ខែតុលា នៅភូមិគីឡូ ១៣ ឃុំសន្តិភាព ស្រុកសំពៅលូន។
គេហទំព័រអគ្គស្នងការនគរបាលជាតិបញ្ជាក់ថា៖ «ក្នុងប្រតិបត្តិការខាងលើ កម្លាំងចម្រុះបានឃាត់ខ្លួនមនុស្សចំនួន ៨ នាក់ (ស្រី ១ នាក់) ក្នុងនោះមេខ្យល់ ៣ នាក់ (ស្រី ១ នាក់)»។
ប្រភពដដែលបញ្ជាក់ថា សមត្ថកិច្ចដកហូតបានរថយន្ដ ១ គ្រឿង និងម៉ូតូ ២ គ្រឿង។ ក្រោយឃាត់ខ្លួន សមត្ថកិច្ចបានធ្វើការអប់រំណែនាំ និងបានប្រគល់អ្នកទាំង ៨ នាក់នេះ រួមទាំងវត្ថុតាង ទៅអធិការដ្ឋាននគរបាលស្រុក សំពៅលូន ដើម្បីអនុវត្តតាមនីតិវិធីបន្ត៕
