ភ្នំពេញៈ ជនសង្ស័យ ចំនួន ៣០ នាក់ (ស្រី ២ នាក់) ត្រូវបានសមត្ថកិច្ចឃាត់ខ្លួនក្នុងប្រតិបត្តិការបង្ក្រាបបទល្មើសគ្រឿងញៀន ចំនួន ១៥ ករណី នៅទូទាំងប្រទេសនៅថ្ងៃទី ១៥ ខែតុលា។
ក្នុងចំណោមជនសង្ស័យទាំង ៣០ នាក់នោះ រួមមានជួញដូរចំនួន ១៤ ករណី ឃាត់ខ្លួនបានជនសង្ស័យចំនួន ២៤ នាក់ និងប្រើប្រាស់ ១ ករណី ឃាត់ខ្លួនបាន ៦ នាក់។ នេះបើតាមការចុះផ្សាយរបស់អគ្គស្នងការដ្ឋាននគរបាលជាតិនៅថ្ងៃទី ១៥ តុលា។
វត្ថុតាងដែលចាប់យកបានរួមមានគ្រឿងញៀន មេតំហ្វេ តាមីន (Ice) ចំនួន ៥៣៩,៨៨ ក្រាម និង ២០ កញ្ចប់តូច។
អគ្គស្នងការដ្ឋាននគរបាលជាតិបានបញ្ជាក់ថា លទ្ធផលនៃការបង្ក្រាបគ្រឿងញៀននេះ ខាងមន្ទីរប្រយុទ្ធប្រឆាំងគ្រឿងញៀនបង្ក្រាបបានការជួញដូរចំនួន ១០ ករណី ដោយឃាត់ខ្លួនជនសង្ស័យចំននួន ១៦ នាក់ (ស្រី ២ នាក់) ចាប់យក Ice ៤៨៦,៩៣ ក្រាម និងក្រៅពីនេះ មានការបង្ក្រាបនៅខេត្តបាត់ដំបង កំពង់ចាម កំពង់ស្ពឺ កណ្តាល ព្រៃវែង និងខេត្តសៀមរាប៕