.jpg)
ភ្នំពេញៈ ក្នុងមួយថ្ងៃទី ១៥ តុលាម្សិលមិញ នគរបាលនៅតាមគោលដៅសរុបចំនួន ១៥៦ គោលដៅបានរកឃើញយានយន្តល្មើសសរុបចំនួន ៨៩៧ គ្រឿង ក្នុងនោះមាន ម៉ូតូចំនួន ៧៣៩ គ្រឿង ត្រូវបានផាកពិន័យនៅទូទាំងប្រទេស។ នេះបើតាមរបាយការណ៍ពីនាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈស្តីពីការរឹតបន្ដឹងច្បាប់ស្ដីពីចរាចរណ៍ផ្លូវគោក នៅថ្ងៃទី ១៥ ខែតុលា។
ដោយឡែកក្នុងរយៈពេល ១៥ ថ្ងៃ ( ថ្ងៃទី ០១-១៥ ខែតុលា ) ការរឹតបន្ដឹងការអនុវត្តច្បាប់ស្ដីពីចរាចរណ៍ផ្លូវគោកបានរាប់ឃើញមានយានយន្តចូលគោលដៅចំនួន ៥៣ ២៨២ គ្រឿងក្នុងនោះរកឃើញយានយន្តល្មើសសរុប ចំនួន ៦ ៧១៦ គ្រឿងមានម៉ូតូចំនួន ១ ១៩១ គ្រឿង ត្រូវបានផាកពិន័យតាមអនុក្រឹត្យលេខ ៣៩ អនក្រ.បក នៅទូទាំងប្រទេស។
របាយការណ៍ដដែលបានវាយតម្លៃរយៈពេល ១៥ ថ្ងៃនៃខែតុលានេះថា ការអនុវត្តតាមអនុក្រឹត្យក្នុងការផាកពិន័យយានយន្តល្មើសបានដំណើរការទៅយ៉ាងល្អប្រសើរទទួលបានការគាំទ្រ ពិសេសអ្នកប្រើប្រាស់ផ្លូវទាំងអស់បានចូលរួមគោរពច្បាប់ចរាចរណ៍យ៉ាងល្អប្រសើរ៕
