.jpg)
ភ្នំពេញៈ ក្រសួងសុខាភិបាលបានប្រកាសនៅថ្ងៃទី ១៦ តុលា ពីការរកឃើញអ្នកវិជ្ជមានជំងឺកូវីដ ១៩ ចំនួន ២៦៧ នាក់ និងអ្នកស្លាប់ដោយសារជំងឺនេះចំនួន ២៤ នាក់បន្ថែមទៀត ខណៈអ្នកជាសះស្បើយថ្មីមាន ៣១១ នាក់។
ក្រសួងបានប្រកាសថា ក្នុងចំណោមអ្នកឆ្លងថ្មីចំនួន ២៦៧ នាក់នេះ មានករណីនាំចូលពីក្រៅប្រទេសមានចំនួន ១៦ នាក់។
បើតាមក្រសួងសុខាភិបាលគិតត្រឹមព្រឹកថ្ងៃទី ១៦ តុលា កម្ពុជាមានអ្នកវិជ្ជមានជំងឺកូវីដ ១៩ សរុបចំនួន ១១៦ ៤០៧ នាក់ អ្នកជាសះស្បើយមាន ១១០ ៤៦៥ នាក់ ខណៈអ្នកស្លាប់មាន ២ ៦៣៤ នាក់៕
