.jpg)
ពលរដ្ឋមកទទួលវ៉ាក់សាំងបង្ការជំងឺកូវីដ១៩ នៅខណ្ឌច្បារអំពៅ។ រូបថត រ៉ូហ៊ីម
ភ្នំពេញៈ គិតត្រឹមថ្ងៃទី២២ ខែតុលា អ្នកដែលបានចាក់វ៉ាក់សាំងបង្ការជំងឺកូវីដ១៩ ចាប់ពីអាយុ ១៨ ឆ្នាំឡើងទៅមានជាង ៩,៩ លាននាក់ ឬស្មើនឹង ៩៩ ភាគរយ បើធៀបនឹងចំនួនប្រជាជនគោលដៅ ១០ លាននាក់។ នេះបើយោងតាមរបាយការណ៍របស់គណៈកម្មការចំពោះកិច្ច ចាក់វ៉ាក់សាំងកូវីដ១៩ ក្នុងក្របខ័ណ្ឌទូទាំងប្រទេស។
របាយការណ៍បានឱ្យដឹងថា កុមារ និងយុវវ័យ អាយុពី ១២ ឆ្នាំ ទៅដល់ក្រោម ១៨ ឆ្នាំ ដែលបានចាក់វ៉ាក់សាំងបង្ការជំងឺកូវីដ ១៩ មានចំនួនជិត ១,៨លាននាក់ ឬស្មើនឹង៩០ ភាគរយ បើធៀបនឹងចំនួនគោលដៅជាង ១,៩ លាននាក់ ខណៈកុមារអាយុពី ៦ ឆ្នាំដល់ក្រោម ១២ឆ្នាំដែលបានចាក់វ៉ាក់សាំងនេះមានជិត ១,៩ លាននាក់ ឬស្មើ ១០០ភាគរយ ធៀបនឹងចំនួនគោលដៅជិត ១,៩ លាននាក់។
ប៉ុន្តែ បើធៀបចំនួនប្រជាជនសរុបទាំង ១៦ លាននាក់ អ្នកដែលបានចាក់វ៉ាក់សាំងមានចំនួន ៨៥ ភាគរយ។ នេះបើតាមរបាយការណ៍ដដែល៕
