.jpg)
ក្រសួងសុខាភិបាល បានប្រកាស នៅថ្ងៃទី ២៣ តុលា ពីការរកឃើញអ្នកស្លាប់ដោយសារជំងឺកូវីដចំនួន ១០ នាក់បន្ថែមទៀត។ ហ៊ាន រង្សី
ភ្នំពេញៈ ក្រសួងសុខាភិបាល បានប្រកាស នៅថ្ងៃទី ២៣ តុលា ពីការរកឃើញអ្នកវិជ្ជមានជំងឺកូវីដ១៩ ចំនួន ១៤៤នាក់ និងអ្នកស្លាប់ដោយសារជំងឺនេះចំនួន ១០ នាក់បន្ថែមទៀត ខណៈអ្នកជាសះស្បើយថ្មីមាន ២៧៥ នាក់។
ក្រសួងបានប្រកាសថា ក្នុងចំណោមអ្នកឆ្លងថ្មីចំនួន ១៤៤នាក់ នេះ មានករណីនាំចូលពីក្រៅប្រទេសមានចំនួន ៣២នាក់។
បើតាមក្រសួងសុខាភិបាល គិតត្រឹមព្រឹកថ្ងៃទី ២៣ តុលា កម្ពុជាមានអ្នកវិជ្ជមានជំងឺកូវីដ១៩ សរុបចំនួន ១១៧ ៦៤៤នាក់ អ្នកជាសះស្បើយមាន ១១២ ៦៥៨នាក់ ខណៈអ្នកស្លាប់មាន ២ ៧២៥នាក់៕
