.jpg)
មនុស្ស ៥នាក់បន្ថែមទៀត បានស្លាប់បាត់បង់ជីវិត ដោយសារជំងឺកូវីដ១៩។ ហ៊ាន រង្សី
មនុស្សចំនួន ៥ នាក់បន្ថែមទៀត បានស្លាប់បាត់បង់ជីវិតដោយសារជំងឺកូវីដ១៩ ដោយក្នុងនោះ មាន ៣នាក់មិនបានចាក់វ៉ាក់សាំង ខណៈរកឃើញអ្នកឆ្លងថ្មី ៦០នាក់ និងមានអ្នកជាសះស្បើយ ៦៥ នាក់។ នេះបើយោងតាមសេចក្តីប្រកាសរបស់ក្រសួងសុខាភិបាល នាថ្ងៃទី១៣ ខែវិច្ឆិកា ឆ្នាំ ២០២១នេះ។
ក្រសួងបានបញ្ជាក់ថា មនុស្សចំនួន ៦០ (PCR) បានរកឃើញមានវិជ្ជមានវីរុសកូវីដ១៩ និងមានអ្នកជាសះស្បើយ ចំនួន ៦៥នាក់។ ការរកឃើញមានវិជ្ជមានវីរុសកូវីដ១៩នេះ មានអ្នកដំណើរពីបរទេស ចំនួន ៧នាក់។
គិតត្រឹមព្រឹកថ្ងៃទី១៣ ខែវិច្ឆិកា ឆ្នាំ ២០២១ កម្ពុជាមានអ្នកកើតកូវីដ១៩ សរុបចំនួន ១១៩ ៤៨១នាក់ អ្នកជាសះស្បើយសរុបចំនួន ១១៥ ៨៦២ នាក់ និងអ្នកស្លាប់បានកើនឡើងរហូតដល់ ២ ៨៦១ នាក់៕
