.jpg)
កម្ពុជាបន្តរកឃើញអ្នកឆ្លងកូវីដជាង ៥០ នាក់ទៀត ខណៈអ្នកស្លាប់ថ្មីមាន ៥ នាក់ និងអ្នកជាមានជាង ៥០ នាក់។ ហ៊ាន រង្សី
ភ្នំពេញៈ ក្រសួងសុខាភិបាលបានប្រកាសរកឃើញមានអ្នកវិជ្ជមានវីរុសកូវីដ ១៩ ជាង ៥០ នាក់ និងមានអ្នកជាសះស្បើយជាង ៥០ នាក់ផងដែរ ខណៈអ្នកស្លាប់ដោយសារជំងឺនេះបន្ថែមទៀតមានចំនួន ៥ នាក់ ដោយក្នុងនោះមាន ៤ នាក់ មិនបានចាក់វ៉ាក់សាំងកូវីដ ១៩។
យោងតាមសេចក្តីប្រកាសរបស់ក្រសួងសុខាភិបាលនៅថ្ងៃទី ១៥ ខែ វិច្ឆិកា ឆ្នាំ ២០២១ នេះ បានឱ្យដឹងថា អ្នកដែលបានរកឃើញឆ្លងថ្មីបន្ថែមទៀតចំនួន ៥២ (PCR)នាក់ និងមានអ្នកជាសះស្បើយចំនួន ៥៥ នាក់។ អ្នកដែលបានឆ្លងថ្មីនេះមានករណីឆ្លងសហគមន៍ចំនួន ៤៨ នាក់ និងអ្នកដំណើរពីបរទេសចំនួន ៤ នាក់។
គិតត្រឹមព្រឹកថ្ងៃទី ១៥ ខែ វិច្ឆិកា ឆ្នាំ ២០២១ កម្ពុជាមានអ្នកឆ្លងវីរុសកូវីដ ១៩ សរុបទូទាំងប្រទេសចំនួន ១១៩ ៥៨៨ នាក់ អ្នកជាសះស្បើយ សរុបចំនួន ១១៥ ៩៧៩ នាក់ និងអ្នកស្លាប់ចំនួន ២ ៨៧២ នាក់៕
