.jpg)
ក្រសួងបន្តរកឃើញអ្នកស្លាប់ដោយសារកូវីដ ១៩ ចំនួន ៥ នាក់បន្ថែមទៀត ខណៈអ្នកជាមាន ៤០ នាក់ និងអ្នកឆ្លងថ្មីមានជិត ៤០ នាក់។ ហ៊ាន រង្សី
ភ្នំពេញៈ មនុស្សចំនួន ៥ នាក់បន្ថែមទៀត បានស្លាប់ដោយសារជំងឺកូវីដ ១៩ ដែលក្នុងនោះមាន ៣ នាក់ មិនបានចាក់វ៉ាក់សាំងកូវីដ ១៩ និងបានរកឃើញអ្នកឆ្លងថ្មីបន្ថែមជិត ៤០ នាក់ និងអ្នកជាសះស្បើយចំនួន ៤០ នាក់។ នេះបើតាមសេចក្តីប្រកាសរបស់ក្រសួងសុខាភិបាល នាព្រឹកថ្ងៃទី ២២ ខែ វិច្ឆិកា ឆ្នាំ ២០២១ នេះ។
ក្រសួងបានបង្ហាញថា មនុស្សចំនួន ៣៧ នាក់បន្ថែមទៀត បានរកឃើញមានឆ្លងវីរុសកូវីដ ១៩ ដែលក្នុងនោះករណីឆ្លងក្នុងសហគមន៍មានចំនួន ៣២ នាក់ និងអ្នកដំណើរពីបរទេស ៥ នាក់។
គិតត្រឹមព្រឹក ថ្ងៃទី ២២ ខែ វិច្ឆិកា ឆ្នាំ ២០២១ កម្ពុជាមានអ្នកឆ្លងវីរុសកូវីដ ១៩ សរុបចំនួន ១១៩ ៩០៤ នាក់អ្នកជាសះស្បើយសរុបចំនួន ១១៦ ២៨៦ នាក់ និងអ្នកស្លាប់បានកើនឡើងរហូតដល់ ២ ៩០៥ នាក់៕
