.jpg)
លោក ងួន រតនៈ អភិបាលខេត្តកំពង់ធំ ថ្លែងក្នុងឱកាសជួបសំណេះសំណាលជាមួយប្រធានមន្ទីរធនធានទឹក និងឧតុនិយម និងមន្ទីរកសិកម្មរុក្ខាប្រមាញ់និងនេសាទខេត្តនៅថ្ងៃទី២៦ ខែវិច្ឆិកា។ រដ្ឋបាលខេត្តកំពង់ធំ
កំពង់ធំៈ អភិបាលខេត្តកំពង់ធំ ណែនាំដល់មន្ទីរជំនាញត្រូវរៀបចំផែនការមេក្នុងការគ្រប់គ្រងស្ថានភាពទឹក និងទទួលខុសត្រូវ សិក្សាស្វែងយល់ការងាររដ្ឋបាល និងការងារបច្ចេកទេសផ្នែកកសិកម្មឱ្យបានល្អប្រសើរ ដើម្បីថ្ងៃក្រោយការគ្រប់គ្រងធនធានទឹកមានភាពសុខដុមរមនីយកម្ម ជាមួយនឹងការងារកសិកម្មដំណាំស្រូវ។
ថ្លែងក្នុងឱកាសជួបសំណេះសំណាលជាមួយប្រធានមន្ទីរធនធានទឹក និងឧតុនិយម និងមន្ទីរកសិកម្មរុក្ខាប្រមាញ់និងនេសាទខេត្តនៅថ្ងៃទី២៦ ខែវិច្ឆិកា លោក ងួន រតនៈ អភិបាលខេត្តកំពង់ធំ លើកឡើងថា ខេត្តកំពង់ធំ ពឹងផ្អែកលើវិស័យកសិកម្មជាធំ ហេតុនេះ ថ្នាក់ដឹកនាំមន្ទីរក៏ដូចជា មន្ត្រីដែលទទួលខុសត្រូវក្នុងអង្គភាពចាប់ពីថ្នាក់ដឹកនាំការិយាល័យឡើងទៅត្រូវសិក្សាស្វែងយល់អំពីកិច្ចការទូទៅក្នុងវិស័យការងាររដ្ឋបាល និងការងារបច្ចេកទេសផ្នែកកសិកម្មឱ្យបានល្អដើម្បីឱ្យទិន្នផលស៊ីគ្នាជាមួយផែនការមេទៅតាមតំបន់។
លោកថ្លែងថា ៖«ជាពិសេស តំបន់នៃការធ្វើស្រែប្រាំងសក្ដានុពលនៃការប្រើប្រាស់ទឹក និងទិន្នផលដែលកសិករប្រមូលបាន ដើម្បីយើងស្វែងយល់ឱ្យបន្ស៊ីទៅនឹងផែនការមេ រយៈពេលខ្លី រយៈពេលមធ្យម និងរយៈពេលវែងរបស់យើង»៕
