មណ្ឌលគិរីៈ មន្ត្រីសាខារបស់អគ្គនាយកដ្ឋាន ការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ ក.ប.ប នៅខេត្តមណ្ឌលគិរី ចុះពិនិត្យ ៥ ស្ថានីយ និងដេប៉ូ លក់ប្រេងឥន្ទនៈក្នុងស្រុកអូររាំង កាលពីថ្ងៃទី ២៦ ខែវិច្ឆិកា បានរកឃើញដេប៉ូ ១ កន្លែងលក់មិនគ្រប់លីត្រ និងធ្វើការពិន័យអន្តរការណ៍ភ្លាមៗនៅនឹងកន្លែង។
មន្ត្រីសាខា ក.ប.ប. ខេត្តមណ្ឌលគិរី នៅថ្ងៃទី ២៦ ខែវិច្ឆិកា បានសហការជាមួយមន្ទីរពាណិជ្ជកម្ម និងអាជ្ញាធរដែនដីខេត្ត បន្តបេសកកម្មការពារផលប្រយោជន៍ជូនអ្នកប្រើប្រាស់ និងបង្ក្រាបអំពើមិនសុចរិតក្នុងធុរ ដោយចុះត្រួតពិនិត្យតាមបណ្តាស្ថានីយនិងដេប៉ូលក់ប្រេងឥន្ធនៈសរុបចំនួន ៥ ទីតាំង ក្នុងស្រុកអូររាំង។
ក្នុងនោះ មន្ត្រីជំនាញរកឃើញ ១ ដេប៉ូ មិនមានអនុលោមភាព ត្រូវបានមន្ត្រីសាខា ក.ប.ប. ខេត្តមណ្ឌលគិរី ធ្វើការពិន័យអន្តរការណ៍ភ្លាមៗនៅនឹងកន្លែងតាមនីតិវិធី៕