The Phnom Penh Post Search

Search form

Logo of Phnom Penh Post newspaper Phnom Penh Post - ក្រសួងសុខាភិបាល​ក្រើនរំឭក​ជាថ្មី​ចំពោះ​ការការពារ​ពី​ការឆ្លង​កូ​វីដ​ ១៩ បន្ទាប់ពី​ WHO បាន​រកឃើញ​វីរុស​បំប្លែង​ថ្មី "​អូ​មី​ក្រុង​"




ក្រសួងសុខាភិបាល​ក្រើនរំឭក​ជាថ្មី​ចំពោះ​ការការពារ​ពី​ការឆ្លង​កូ​វីដ​ ១៩ បន្ទាប់ពី​ WHO បាន​រកឃើញ​វីរុស​បំប្លែង​ថ្មី "​អូ​មី​ក្រុង​"

Content image - Phnom Penh Post
លោក​ម៉ម ប៊ុនហេង រដ្ឋមន្ត្រី​ក្រសួងសុខាភិបាល ចុះអប់រំប្រជាព​លរដ្ឋអំពីជំងឺកូវីដ នាពេលកន្លងទៅ។ រូបថត MOH

ក្រសួងសុខាភិបាល​ក្រើនរំឭក​ជាថ្មី​ចំពោះ​ការការពារ​ពី​ការឆ្លង​កូ​វីដ​ ១៩ បន្ទាប់ពី​ WHO បាន​រកឃើញ​វីរុស​បំប្លែង​ថ្មី "​អូ​មី​ក្រុង​"

ភ្នំពេញៈ ក្រសួងសុខាភិបាល​ក្រើនរំឭក​ជាថ្មី​ចំពោះ​ការការពារ​វីរុស​កូ​វីដ ​១៩ បន្ទាប់ពី អ្នកបច្ចេកទេស​អង្គការ​សុខភាព​ពិភពលោក​ (WHO)​ បាន​រកឃើញ​និង​វាយតម្លៃ​វីរុស​កូ​វីដ ​១៩ វ៉ា​រ្យ៉​ង់ ថ្មី B.1.1.529 និង​បានកំណត់​ឈ្មោះ​វីរុស​នេះ​ហៅថា អូ​មី​ក្រុង (Omicron) ។

​សេចក្តីជូនដំណឹង​រប​ស់​ក្រសួងសុខាភិបាល​នៅ​ថ្ងៃទី ២៧ ខែវិច្ឆិកា​នេះ​បានឱ្យដឹងថា ក្នុងពេល​ថ្មីៗ​នេះ មានការ​លេចចេញ​នូវ​វីរុស​កូ​វីដ​ ១៩ បំប្លែង​ថ្មី B.1.1.529 ដែល​អង្គការ​សុខភាព​ពិភពលោក បាន​រាយការណ៍​ពី​ការរកឃើញ​វីរុស​បំប្លែង​ថ្មី​នេះ នៅ​បណ្តា​ប្រទេសមួយ​ចំនួន​លើ​សកលលោក​។ អ្នកបច្ចេកទេស​អង្គការ​សុខភាព​ពិភពលោក បាន​សម្តែង​ការព្រួយបារម្ភ​ពី​លទ្ធភាព​នៃ​ការចម្លង​រហ័ស​របស់​វ៉ា​រ្យ៉​ង់ B.1.1.529 នេះ​។​

​សេចក្តីជូនដំណឹង​រប​ស់​ក្រសួងសុខាភិបាល​បានឱ្យដឹង​ទៀតថា កិច្ចប្រជុំ​របស់​ក្រុម​បឹ​ក្សាប​ច្ចេកទេស​របស់​អង្គការ​សុខា​ភាព​ពិភពលោក នៅ​ថ្ងៃទី ២៦ ខែវិច្ឆិកា ស្តីពី​ការវិវឌ្ឍ​នៃ​មេរោគ SARS-CoV2 (TAG-VE) បាន​វាយតម្លៃ​វ៉ា​រ្យ៉​ង់ SARS-CoV2 ថ្មី B.1.1.529 និង​បានកំណត់​ឈ្មោះ​វីរុស​នេះ​ហៅថា អូ​មី​ក្រុង (Omicron) ។

​ដើម្បី​ការពារ និង​ទប់ស្កាត់បាន​ទាន់ពេលវេលា​នូវ​ការចម្លង​វីរុស​ប្រភេទ​ថ្មី​នេះ និង​ដើម្បី​បន្ត​និរន្តរភាព​នៃ​ការ​រស់នៅក្នុង​ប្រក្រតីភាព​ថ្មី ក្នុងសង្គម​កម្ពុជា លោក​ម៉ម ប៊ុនហេង រដ្ឋមន្ត្រី​ក្រសួងសុខាភិបាល បានធ្វើការ​អំពាវនាវ និង​ក្រើនរំឭក ពលរដ្ឋ​សាជាថ្មី​អំពី​វិធី​ការពារ​ដែល​ក្រសួង​ធ្លាប់ធ្វើ​ការណែនាំ​ក្នុងពេល​កន្លងមក​។​

​ក្នុងនោះ លោក​រដ្ឋមន្ត្រី​ក្រសួងសុខាភិបាល បានស្នើ​សុំឱ្យ​ពលរដ្ឋ​ទាំងអស់​បន្ត​អនុវត្ត​វិធានការ «៣​ ការពារ និង ៣ ​កុំ​» ឱ្យបាន​ហ្មត់ចត់ ដើម្បី​កាត់បន្ថយ​ហានិភ័យ​នៃ​ការឆ្លង​វីរុស​កូ​វីដ​ ១៩ រួមទាំង​អនុវត្ត​វិធានការ​សុខភាព​សាធារណៈ និង​សង្គម​ចាំបាច់​នានា​ដូចជា ការពាក់​ម៉ាស់​ឱ្យបាន​ត្រឹមត្រូវ លាង​សម្អាត​ញឹកញាប់ រក្សា​គម្លាត​សុវត្ថិភាព​បុគ្គល ១,៥ ​ម៉ែត្រ​ឡើង​។

​ជាមួយគ្នា​នោះ ត្រូវ​កែលម្អ​ខ្យល់​ចេញចូល​នៃ​ទីធ្លា​ក្នុងផ្ទះ ឬ​កន្លែង​ការងារ ក៏ដូចជា​ទីតាំង​ប្រកប​របរ​រក​ទទួលទាន​ផ្សេងៗ ចៀសវាង​កន្លែង​មាន​មនុស្ស​ច្រើន កន្លែង​បិទ​ជិត​គ្មាន​ខ្យល់​ចេញចូល និង​ទទួល​ចាក់​ថ្នាំ​បង្ការ​កូ​វីដ ​១៩ ឱ្យបាន​គ្រប់​ដូ​ស​មូលដ្ឋាន​ទាំងអស់គ្នា​។

​លោក ​ម៉ម ប៊ុនហេង បញ្ជាក់ថា​៖«​រាយការណ៍​ជូន​អាជ្ញាធរ​មូលដ្ឋាន ឬ​គ្រូពេទ្យ​ដែល​នៅ​ជិត​លោកអ្នក អំពី​ករណី​សង្ស័យ​ណាមួយ​ដែល​ពាក់ព័ន្ធ ទៅនឹង​ភាពខុសប្លែក​ធម្មតា នៃ​រោគសញ្ញា ឬ​ជំងឺ និង​ត្រូវ​នៅ​ដាច់ដោយឡែក ដើម្បី​កុំឱ្យ​មានការ​ចម្លង​បន្ត ទៅ​អ្នក​ដែល​នៅ​ជិត​ខ្លួន ឬ​ក្រុមគ្រួសារ​ខ្លួន​ក្នុងអំឡុងពេល​រង់ចាំ​ការវិភាគ​ដើម្បី​រក​វីរុស​កូ​វីដ ១៩ ​ថ្មី​នេះ​»​។

​លោក​រដ្ឋមន្ត្រី​បានបញ្ជាក់​បន្ថែមថា ត្រូវ​ជំរុញ​ប្រជាពលរដ្ឋ​ឱ្យទៅ​ទទួល​ការចាក់​វ៉ាក់សាំង​កូ​វីដ ​១៩ ​ឱ្យបាន​គ្រប់គ្នា ជាពិសេស​ជន​ដែល​ងាយ​រងគ្រោះ និង​បង្កើន​ការយកចិត្តទុកដាក់​ប​ន្ថែ​ម​ទៀត ដោយ​បុគ្គល​ម្នាក់ៗ​ត្រូវ​ទទួលខុសត្រូវ​លើ​ការការពារ​ខ្លួន​ព្រមទាំង​គ្រួសារ និង​សហគមន៍​ត្រូវ​លើកកម្ពស់ ការចូលរួម​តាមដាន និង​អនុវត្ត​វិធានការ​ការពារ និង​ស្វែងរក​ការព្យាបាល​ឱ្យបាន​ទាន់ពេលវេលា ដើម្បី​ជួយសង្គ្រោះ​អាយុជីវិត​អ្នកជំងឺ​កូ​វីដ​១៩ ជាដើម​៕​

អត្ថបទគួរចាប់អារម្មណ៍

  • ភ្នំពេញៈ ក្រុមហ៊ុន Longfruiter Anlong Veng Oddor Meanchey Agriculture Park Co., Ltd បាន​បញ្ចេញ​ប្រាក់​វិនិយោគ ៥១ ​លាន​ដុល្លារ​ទៅលើ​ការដាំ​ដំណាំ​ចេក និង​ដំណាំ​ហូប​ផ្លែ​មួយចំនួន​នៅក្នុង​ស្រុក​អន្លង់វែង ខេត្ត​ឧត្តរមានជ័យ ដើម្បី​ជំរុញ​ការនាំចេញ ពិសេស​ទៅ​ទីផ្សារ​ប្រទេស​ចិន​។

  • ភ្នំពេញៈ មូលនិធិ​កម្ពុជា​ប្រឆាំង​កូវីដ​ ១៩ បន្ត​អំពាវនាវ​ដល់​សប្បុរជន​ឱ្យ​ចូលរួម​បរិច្ចាគ​ធនធាន ដើម្បី​រួមចំណែក​ក្នុងការ​ឧបត្ថម្ភ​ទ្រទ្រង់​ដល់​ពលរដ្ឋ​ដែល​កំពុង​ជួប​ការលំបាក និង​ក្រុមគ្រូពេទ្យ​អាវស អំឡុងពេល​ប្រយុទ្ធប្រឆាំង​ជំងឺ​កូវីដ ខណៈ​មូលនិធិ​នេះ​បាន​ជួយ​ដល់​ពលរដ្ឋ​ជាង ១ ​ម៉ឺន​គ្រួសារ តាមរយៈ​ការផ្តល់​ជា​គ្រឿង​បរិភោគ និង​កញ្ចប់​ថ្នាំ​ជាដើម​។

  • ភ្នំពេញៈ ​ជន​ជាប់ឃុំ​នៅតាម​ពន្ធនាគារ និង​មណ្ឌល​អប់រំ​កែប្រែ​រាជធានី​-​ខេត្ដ​ជាង ២ ​ពាន់​នាក់​បាន​ចាក់​វ៉ាក់សាំង​បង្ការ​ជំងឺ​កូវីដ​ ១៩ ​ដូស​ទី​ ៣ និង​កំពុង​បន្ត​ចាក់​ដូស​ជំរុញ​នេះ​បន្ថែមទៀត ខណៈ​ជន​ជាប់ឃុំ​សរុប​ប្រមាណ ៣៨ ០០០ ​នាក់​បាន​ចាក់​ ២​ ដូស​រួចហើយ​។

  • ភ្នំពេញៈ ​សាកលវិទ្យាល័យ និង​គ្រឹះស្ថាន​អប់រំ កម្រិត​ឧត្ដមសិក្សា​សាធារណៈ និង​ឯកជន​ប្រមាណ​ ២០ នៅ​ថ្ងៃទី​ ២៩ ខែមករា ខាងមុខនេះ​នឹង​រៀបចំ «​ពិព័រណ៍​ជំនាញ និង​សាកលវិទ្យាល័យ​» ​តាម​អន​ឡាញ​ដើម្បីឱ្យ​វាគ្មិន​ជំនាញ​ចែករំលែក​ចំណេះដឹង បទពិសោធ ដល់​និស្សិត​លើ​ការជ្រើសរើស​មុខជំនាញ​សិក្សា និង​សាកលវិទ្យាល័យ​សិក្សា​នៅក្នុង​ប្រទេស​កម្ពុជា​។

  • ភ្នំពេញៈ ជប៉ុន​បាន​ផ្ដល់​រថយន្ត​ពន្លត់​អគ្គិភ័យ​ចំនួន​ ៤ ​គ្រឿង​ដល់​អង្គភាព​ការិយាល័យ​នគរបាល​បង្ការ ពន្លត់​អគ្គិភ័យ និង​សង្គ្រោះ​នៃ​ស្នងការដ្ឋាន​នគរបាល​រាជធានី​ភ្នំពេញ ដើម្បី​ចូលរួមចំណែក​ធ្វើឱ្យ​ប្រសើ​ឡើង​នូវ​ប្រសិទ្ធភាព​ការងារ​ឆ្លើយតប និង​ការ​កាត់បន្ថយ​នូវ​ហានិភ័យ​នានា ដែល​បង្កឡើង​ដោយ​គ្រោះ​អគ្គិភ័យ​នៅ​កម្ពុជា ពិសេស​ក្នុង​រាជធានី​ភ្នំពេញ​។

  • ភ្នំពេញៈ ​សាជីវកម្ម​ធានាឥណទាន​កម្ពុជា (CGCC) និង​មជ្ឈមណ្ឌល​បច្ចេកវិទ្យា និង​ព័ត៌មាន​ជីវឧស្ម័ន (BTIC) នៅ​ថ្ងៃទី​ ២៤ ខែមករា បាន​ចុះ​អនុស្សរណៈ​ជាមួយ​គ្នា ដើម្បី​លើកកម្ពស់​បរិយាកាស​អំណោយផល​ដល់​ការវិនិយោគ​លើ​បច្ចេកវិទ្យា​ជីវឧស្ម័ន​ខ្នាត​ធំ​នៅ​កម្ពុជា​ដើម្បី​រួមចំណែក​កាត់​បន្ថយ​ការប្រែប្រួល​អាកាសធាតុ​។ នេះ​បើតាម​សេចក្ដី​ប្រកាស​ព័ត៌មាន​។