The Phnom Penh Post Search

Search form

Logo of Phnom Penh Post newspaper Phnom Penh Post - គណៈកម្មាធិការ​ចម្រុះ​តម្រូវឱ្យ​ម្ចាស់​ទីតាំង​រណ្ដៅ​ដី​មួយកន្លែង​ក្នុងស្រុក​កណ្ដាលស្ទឹង ស្ដារឡើងវិញ​នូវ​ហេដ្ឋារចនាសម្ព័ន្ធ​ក្រោយ​ពិនិត្យឃើញថា កំពុង​អនុវត្តន៍​ផ្ទុយ​ពី​អាជ្ញាប័ណ្ណ​




គណៈកម្មាធិការ​ចម្រុះ​តម្រូវឱ្យ​ម្ចាស់​ទីតាំង​រណ្ដៅ​ដី​មួយកន្លែង​ក្នុងស្រុក​កណ្ដាលស្ទឹង ស្ដារឡើងវិញ​នូវ​ហេដ្ឋារចនាសម្ព័ន្ធ​ក្រោយ​ពិនិត្យឃើញថា កំពុង​អនុវត្តន៍​ផ្ទុយ​ពី​អាជ្ញាប័ណ្ណ​

Content image - Phnom Penh Post

គណៈកម្មាធិការ​ចម្រុះ​តម្រូវឱ្យ​ម្ចាស់​ទីតាំង​រណ្ដៅ​ដី​មួយកន្លែង​ក្នុងស្រុក​កណ្ដាលស្ទឹង ស្ដារឡើងវិញ​នូវ​ហេដ្ឋារចនាសម្ព័ន្ធ​ក្រោយ​ពិនិត្យឃើញថា កំពុង​អនុវត្តន៍​ផ្ទុយ​ពី​អាជ្ញាប័ណ្ណ​

កណ្តាលៈ គណៈកម្មាធិការ​ចម្រុះ​ដើម្បី​គ្រប់គ្រង​ការធ្វើ​អាជីវកម្ម​ខ្សាច់ រណ្ដៅ​ដី ថ្ម គ្រួស នៃ​រដ្ឋបាល​ខេត្តកណ្តាល តម្រូវឱ្យ​ម្ចាស់​ទីតាំង​រណ្ដៅ​ដី​មួយកន្លែង​ស្ថិតក្នុង​ភូមិសាស្ត្រ ឃុំ​រលាំង​កែន ស្រុក​កណ្ដាលស្ទឹង ស្ដារឡើងវិញ​នូវ​ហេដ្ឋារចនាសម្ព័ន្ធ​ដែល​ទទួលរង​ការខូចខាត​ពីរ​ណ្ដៅ​ដី​មួយ​នេះ ក្រោយ​ពិនិត្យឃើញថា កំពុង​អនុវត្តន៍​ផ្ទុយ​ពី​អាជ្ញារ​ប័ណ្ណ​។

​លោក ណុប ដា​រ៉ា អភិបាលរង​ខេត្តកណ្ដាល និង​ជា​ប្រធាន​គណៈកម្មាធិការ​ចម្រុះ ដើម្បី​គ្រប់គ្រង​ការធ្វើ​អាជីវកម្ម​ខ្សាច់ រណ្ដៅ​ដី ថ្ម គ្រួស នៅ​ថ្ងៃទី​ ២៦ ខែវិច្ឆិកា បាន​ដឹកនាំ​កម្លាំងចម្រុះ​មន្ទីរ​ពាក់ព័ន្ធ រួមទាំង​អជ្ញាធរ​ស្រុក ចុះ​ពិនិត្យមើល​ទីតាំង​រណ្ដៅ​ដី​ក្នុងភូមិ​សាស្ត្រ ឃុំ​រលាំង​កែន ស្រុក​កណ្ដាលស្ទឹង ដែល​កំពុង​អនុវត្តន៍​ផ្ទុយ​ពី​អាជ្ញាប័ណ្ណ និង​តម្រូវឱ្យ​ស្ដារឡើងវិញ​នូវ​ហេដ្ឋារចនាសម្ព័ន្ធ​ដែល​ទទួលរង​ការខូចខាត​ពីរ​ណ្ដៅ​ដី​មួយ​នេះ​។​

​លោក​អភិបាលរង​ខេត្តកណ្តាល បាន​ណែនាំ​ដល់​ម្ចាស់​អាជីវកម្ម​ថា ពាក់ព័ន្ធ​នឹង​ហេ​ដ្ឋា រចនាសម្ព័ន្ធ​ដែលមាន​ផ្លូវ និង​ប្រឡាយទឹក​ដែល​រង​ការប៉ះពាល់​ពី​រណ្ដៅ​មួយ​នេះ​តម្រូវឱ្យ​ម្ចាស់​អាជីវកម្ម​ត្រូវ​បង្ខិត​ព្រំដី​មកវិញ និង​ចាក់ដី​ធ្វើ​ជើងទេរ​ដើម្បី​ពង្រីក​ផ្លូវ​ប្រឡាយ​ឱ្យបាន ១០​ ម៉ែត្រ ព្រោះនេះ​ជា​សុវត្ថិភាព​ប្រជាពលរដ្ឋ​ធ្វើដំណើរ​ទៅមក​ជាពិសេស​ពេលយប់​។​

​លោក ណុប ដា​រ៉ា បាន​បន្តថា ការធ្វើ​ការស្តារ​ប្រឡាយ​ទំនប់​នេះ​ឡើងវិញ ដើម្បី​ឱ្យមាន​ផ្លូវទឹក​ចរាចរណ៍ ជាពិសេស​មិនត្រូវ​បូម​ទឹករ៉ែ​ទាំងនេះ​បង្ហូរ​ចូលក្នុង​ស្រែ​របស់​ប្រជាពលរដ្ឋ​ទេ ព្រោះ​ទឹករ៉ែ​ទាំងនេះ​មិនដឹងថា​មាន​សារជាតិ​អ្វីខ្លះ​នោះទេ​ដែល​ធ្វើឱ្យប៉ះពាល់​ស្រែ​របស់​ពួកគាត់​។

​លោក​អភិបាលរង​ខេត្តកណ្តាល​បញ្ជាក់បន្ថែម​ថា ម្ចាស់​អាជីវកម្ម​ត្រូវធ្វើ​អាជីវកម្ម​ឱ្យ​ត្រូវ​នឹង​ទីតាំង​ដែល​ខ្លួន​បានស្នើ​សុំ រណ្ដៅ​ត្រូវមាន​ជើងទេរ​ឱ្យបាន​ត្រឹមត្រូវ​។ មុន​ធ្វើ​ការដឹកចេញ​ត្រូវ​ពិនិត្យ​ប្រព័ន្ធ​ការគ្រប់គ្រង (​ជញ្ជីង​) វិក្កយបត្រ​ត្រូវមាន ការបោះ​ត្រា​ឱ្យបាន​ត្រឹមត្រូវ​ពី​មន្ទីរ​រាល់​ការដឹកជញ្ជូន​ខ្សាច់ អាចម៍ដី ម្ចាស់​អាជីវកម្ម​ត្រូវ​ណែនាំ​ដល់​អ្នក​ដឹក​ធ្វើការ​ពិនិត្យ​សម្អាត​ឱ្យបាន​ល្អ​។​

​លោក​ថ្លែងថា​៖ «​ត្រូវ​លាង​សម្អាត​កង់ឡាន​ឱ្យបាន​ស្អាត​ពេល​ចេញពី​ដេប៉ូ ត្រូវ​គ្រប​ឱ្យបាន​ជិត​ល្អ កុំ​ដឹក​លើស​ទម្ងន់ បើកបរ​ដោយ​ក្រមសីលធម៌ ត្រូវ​លាង​សម្អាត​ផ្លូវ​ដែល​ប្រឡាក់​ឱ្យបាន​ស្អាត ក្នុងករណី​ម្ចាស់​អាជីវកម្ម​ណា​ដែល​នៅតែ​ប្រព្រឹត្ត​ល្មើសច្បាប់ ធ្វើឱ្យ​ផ្លូវ​ខូច ត្រូវ​ទទួលខុសត្រូវ​ជួសជុល​ផ្លូវ​ឱ្យបាន​ស្អាត​ឡើងវិញ រង​ការផាកពិន័យ ឬ​បិទ​អាជីវកម្ម​តែម្ដង​»​។​

​ជាមួយគ្នា​នោះ លោក ណុប ដា​រ៉ា ក៏បាន​ជំរុញ​ដល់​មន្ទីរ​ពាក់ព័ន្ធ និង​កងកម្លាំង​មាន​សមត្ថកិច្ច ត្រូវ​បន្ត​ចាត់វិធានការ​ឱ្យបាន​ម៉ឺងម៉ាត់ ដល់​ម្ចាស់​អាជីវកម្ម ឱ្យ​អនុវត្តតាម​កិច្ចសន្យា និង​ច្បាប់​ពាក់ព័ន្ធ​នានា រាល់​ការដឹក​ខ្សាច់ ដឹក​ដី ត្រូវ​អនុវត្តតាម​បទដ្ឋាន​បច្ចេកទេស​ត្រឹមត្រូវ ដឹក​កុំឱ្យ​ហុយ និង​ជ្រុះ​ខ្សាច់​មកលើ​ផ្លូវ ដែល​ធ្វើឱ្យប៉ះពាល់​ដល់​អ្នកធ្វើដំណើ​រ និង​ប្រជាពលរដ្ឋ​រស់នៅ​តាម​ដង​ផ្លូវ​។​

​លោ​ថ្លែងថា៖ «​ត្រូវ​រួមសហការ​គ្នា​ចុះ​ពិនិត្យ​ដល់ទី​តាំង អាជីវកម្ម​រណ្ដៅ​ដី ដើម្បី​ដឹងថា​តើ ម្ចាស់​អាជីវកម្ម​ទាំងនោះ មានច្បាប់ និង​អាជ្ញាប័ណ្ណ​ត្រឹមត្រូវ​ហើយ​ឬ​នៅ បើ​ម្ចាស់​អាជីវកម្ម​ណាមួយ​មិន​សហការ គ្មាន​អាជ្ញាប័ណ្ណ ឬ​អាជ្ញាប័ណ្ណ​ហួស​សុពលភាព ត្រូវអនុវត្ត​តាមច្បាប់​ដោយ​គ្មាន​ការយោគយល់​ឡើយ​»៕

អត្ថបទគួរចាប់អារម្មណ៍

  • ភ្នំពេញៈ ក្រុមហ៊ុន Longfruiter Anlong Veng Oddor Meanchey Agriculture Park Co., Ltd បាន​បញ្ចេញ​ប្រាក់​វិនិយោគ ៥១ ​លាន​ដុល្លារ​ទៅលើ​ការដាំ​ដំណាំ​ចេក និង​ដំណាំ​ហូប​ផ្លែ​មួយចំនួន​នៅក្នុង​ស្រុក​អន្លង់វែង ខេត្ត​ឧត្តរមានជ័យ ដើម្បី​ជំរុញ​ការនាំចេញ ពិសេស​ទៅ​ទីផ្សារ​ប្រទេស​ចិន​។

  • ភ្នំពេញៈ មូលនិធិ​កម្ពុជា​ប្រឆាំង​កូវីដ​ ១៩ បន្ត​អំពាវនាវ​ដល់​សប្បុរជន​ឱ្យ​ចូលរួម​បរិច្ចាគ​ធនធាន ដើម្បី​រួមចំណែក​ក្នុងការ​ឧបត្ថម្ភ​ទ្រទ្រង់​ដល់​ពលរដ្ឋ​ដែល​កំពុង​ជួប​ការលំបាក និង​ក្រុមគ្រូពេទ្យ​អាវស អំឡុងពេល​ប្រយុទ្ធប្រឆាំង​ជំងឺ​កូវីដ ខណៈ​មូលនិធិ​នេះ​បាន​ជួយ​ដល់​ពលរដ្ឋ​ជាង ១ ​ម៉ឺន​គ្រួសារ តាមរយៈ​ការផ្តល់​ជា​គ្រឿង​បរិភោគ និង​កញ្ចប់​ថ្នាំ​ជាដើម​។

  • ភ្នំពេញៈ ​ជន​ជាប់ឃុំ​នៅតាម​ពន្ធនាគារ និង​មណ្ឌល​អប់រំ​កែប្រែ​រាជធានី​-​ខេត្ដ​ជាង ២ ​ពាន់​នាក់​បាន​ចាក់​វ៉ាក់សាំង​បង្ការ​ជំងឺ​កូវីដ​ ១៩ ​ដូស​ទី​ ៣ និង​កំពុង​បន្ត​ចាក់​ដូស​ជំរុញ​នេះ​បន្ថែមទៀត ខណៈ​ជន​ជាប់ឃុំ​សរុប​ប្រមាណ ៣៨ ០០០ ​នាក់​បាន​ចាក់​ ២​ ដូស​រួចហើយ​។

  • ភ្នំពេញៈ ​សាកលវិទ្យាល័យ និង​គ្រឹះស្ថាន​អប់រំ កម្រិត​ឧត្ដមសិក្សា​សាធារណៈ និង​ឯកជន​ប្រមាណ​ ២០ នៅ​ថ្ងៃទី​ ២៩ ខែមករា ខាងមុខនេះ​នឹង​រៀបចំ «​ពិព័រណ៍​ជំនាញ និង​សាកលវិទ្យាល័យ​» ​តាម​អន​ឡាញ​ដើម្បីឱ្យ​វាគ្មិន​ជំនាញ​ចែករំលែក​ចំណេះដឹង បទពិសោធ ដល់​និស្សិត​លើ​ការជ្រើសរើស​មុខជំនាញ​សិក្សា និង​សាកលវិទ្យាល័យ​សិក្សា​នៅក្នុង​ប្រទេស​កម្ពុជា​។

  • ភ្នំពេញៈ ជប៉ុន​បាន​ផ្ដល់​រថយន្ត​ពន្លត់​អគ្គិភ័យ​ចំនួន​ ៤ ​គ្រឿង​ដល់​អង្គភាព​ការិយាល័យ​នគរបាល​បង្ការ ពន្លត់​អគ្គិភ័យ និង​សង្គ្រោះ​នៃ​ស្នងការដ្ឋាន​នគរបាល​រាជធានី​ភ្នំពេញ ដើម្បី​ចូលរួមចំណែក​ធ្វើឱ្យ​ប្រសើ​ឡើង​នូវ​ប្រសិទ្ធភាព​ការងារ​ឆ្លើយតប និង​ការ​កាត់បន្ថយ​នូវ​ហានិភ័យ​នានា ដែល​បង្កឡើង​ដោយ​គ្រោះ​អគ្គិភ័យ​នៅ​កម្ពុជា ពិសេស​ក្នុង​រាជធានី​ភ្នំពេញ​។

  • ភ្នំពេញៈ ​សាជីវកម្ម​ធានាឥណទាន​កម្ពុជា (CGCC) និង​មជ្ឈមណ្ឌល​បច្ចេកវិទ្យា និង​ព័ត៌មាន​ជីវឧស្ម័ន (BTIC) នៅ​ថ្ងៃទី​ ២៤ ខែមករា បាន​ចុះ​អនុស្សរណៈ​ជាមួយ​គ្នា ដើម្បី​លើកកម្ពស់​បរិយាកាស​អំណោយផល​ដល់​ការវិនិយោគ​លើ​បច្ចេកវិទ្យា​ជីវឧស្ម័ន​ខ្នាត​ធំ​នៅ​កម្ពុជា​ដើម្បី​រួមចំណែក​កាត់​បន្ថយ​ការប្រែប្រួល​អាកាសធាតុ​។ នេះ​បើតាម​សេចក្ដី​ប្រកាស​ព័ត៌មាន​។