.jpg)
ប៉ៃលិនៈ អាជ្ញាធរខេត្តប៉ៃលិនកំពុងសាងសង់ និងជួសជុលផ្លូវក្រាលកៅស៊ូចំនួន ២ ខ្សែ ១ ខ្សែទី១ ចាប់ពីចំណុចបំបែកផ្លូវជាតិលេខ ៥៧ ក្នុងភូមិទំនប់ រហូតដល់ចំណុចផ្សារឃែរ ក្នុងឃុំស្ទឹងត្រង់ ស្រុកសាលាក្រៅ និង ១ ខ្សែទៀតចាប់ពីផ្សារឃែរ ក្នុងភូមិដីស ឃុំស្ទឹងត្រង់ ស្រុកសាលាក្រៅ រហូតដល់ចំណុចអូរសួស្តី ក្នុងភូមិប៉ាងរលឹម សង្កាត់អូរតាវ៉ៅ ក្រុងប៉ៃលិន។
ហ្វេសប៊ុករបស់រដ្ឋបាលខេត្តប៉ៃលិននៅថ្ងៃទី ២៧ ខែវិច្ឆិកានេះ បានឱ្យដឹងថា លោកស្រី បាន ស្រីមុំ អភិបាលខេត្តប៉ៃលិន និង សៅ សារ៉ាត់ អ្នកតំណាងរាស្ត្រមណ្ឌលប៉ៃលិន បានដឹកនាំមន្ត្រីជំនាញ និងអាជ្ញាធរពាក់ព័ន្ធ ចុះពិនិត្យដល់ការដ្ឋានសាងសង់ និងជួសជុលផ្លូវក្រាលកៅស៊ូចំនួន ២ ខ្សែ។
ក្នុងនោះមានផ្លូវ ១ ខ្សែ ចាប់ពីចំណុចបំបែកផ្លូវជាតិលេខ ៥៧ ក្នុងភូមិទំនប់ រហូតដល់ចំណុចផ្សារឃែរ ក្នុងឃុំស្ទឹងត្រង់ ស្រុកសាលាក្រៅ ហើយ ១ ខ្សែទៀត ចាប់ពីផ្សារឃែរ ក្នុងភូមិដីស ឃុំស្ទឹងត្រង់ ស្រុកសាលាក្រៅ រហូតដល់ចំណុចអូរសួស្តី ក្នុងភូមិប៉ាងរលឹម សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន។
រដ្ឋបាលខេត្តនេះបញ្ជាក់ថា៖ «ផ្លូវទាំង ២ ខ្សែនេះមានប្រវែងសរុប ៥៤ គីឡូម៉ែត្រ ដែលខ្សែទី១ មានប្រវែង ២៤ គីឡូម៉ែត្រ ទទឹងប្រវែង ៨ ម៉ែត្រ ខ្សែទី២ មានប្រវែង ៣០ គីឡូម៉ែត្រ ទទឹង ៦ ម៉ែត្រ និងមានប្រព័ន្ធលូជាច្រើនកន្លែងបន្ថែមទៀត ដើម្បីកុំឱ្យមានបញ្ហាស្ទះទឹកលិចផ្លូវ ឬផ្ទះប្រជាពលរដ្ឋ ពេលមានករណីជំនន់ទឹកភ្លៀងម្តងៗ»៕
