ភ្នំពេញៈមនុស្សចំនួន ៤នាក់បន្ថែមទៀត បានស្លាប់ ដោយសារជំងឺកូវីដ១៩ ក្នុងនោះមាន ២ នាក់មិនបានចាក់វ៉ាក់សាំងកូវីដ១៩ និង បានរកឃើញអ្នកឆ្លងថ្មីជាង ២០ នាក់ រីឯអ្នកព្យាបាលជាសះស្បើយមានជាង ២០ នាក់។ នេះបើតាមសេចក្តីប្រកាសរបស់ក្រសួងសុខាភិបាល នៅថ្ងៃទី ២៩ ខែវិច្ឆិកា ឆ្នាំ២០២១ នេះ។
ក្រសួងសុខាភិបាលបានបញ្ជាក់ថា មនុស្សចំនួន ២៥ នាក់បន្ថែមទៀត ត្រូវបានរកឃើញមានវិជ្ជមានវីរុសកូវីដ១៩ និង មានអ្នកជាសះស្បើយ ចំនួន ២២ នាក់។ អ្នកដែលរកឃើញវិជ្ជមានទាំងនោះមាន ករណីឆ្លងក្នុងសហគមន៍ចំនួន ១៩នាក់ និងអ្នកដំណើរពីបរទេស ចំនួន ៦នាក់។
គិតត្រឹមព្រឹកថ្ងៃទី ២៩ ខែវិច្ឆិកា ឆ្នាំ២០២១ កម្ពុជាមានអ្នកឆ្លងវីរុសកូវីដ១៩ សរុបចំនួន ១២០ ១១២ នាក់ អ្នកជាសះស្បើយសរុបចំនួន ១១៦ ៤៨៨ នាក់ និងអ្នកស្លាប់បានកើនឡើងដល់ចំនួន ២ ៩៣៥ នាក់៕