ភ្នំពេញៈ មនុស្សចំនួន ៤ នាក់បានស្លាប់ដោយសារជំងឺកូវីដ ១៩ ក្នុងនោះមាន ២ នាក់ មិនបានចាក់វ៉ាក់សាំងកូវីដ ៩ និងបានរកឃើញអ្នកឆ្លងថ្មីបន្ថែមជាង ២០ នាក់ និងអ្នកជាសះស្បើយចំនួនជាង ២០ នាក់។ នេះបើយោងតាមសេចក្តីប្រកាសរបស់ក្រសួងសុខាភិបាល នាថ្ងៃនេះ។
សេចក្តីប្រកាសព័ត៌មាន របស់ក្រសួងសុខាភិបាល នៅថ្ងៃទី ១ ខែ ធ្នូ ឆ្នាំ ២០២១ នេះ បានឱ្យដឹងថា ក្រសួងបានរកឃើញមនុស្សចំនួន ២៦ (PCR) នាក់ទៀតឆ្លងវីរុសកូវីដ ១៩ និងមានអ្នកជាសះស្បើយ ចំនួន ២២ នាក់។ ការរកឃើញឆ្លងថ្មីនេះ មានករណីឆ្លងសហគមន៍ចំនួន ២២ នាក់ និងអ្នកដំណើរមកពីបរទេសចំនួន ៤ នាក់។
គិតត្រឹមព្រឹក ថ្ងៃទី ១ ខែ ធ្នូ ឆ្នាំ ២០២១ កម្ពុជាមានអ្នកឆ្លងមេរោគកូវីដ ១៩ សរុបចំនួន ១២០ ១៦០ នាក់ រីឯអ្នកជាសះស្បើយសរុបចំនួន ១១៦ ៥២៩ នាក់ និងអ្នកស្លាប់បានកើនឡើងដល់ចំនួន ២ ៩៤៤ នាក់៕