The Phnom Penh Post Search

Search form

Logo of Phnom Penh Post newspaper Phnom Penh Post - សមត្ថកិច្ច​កំពុង​បន្ត​ស្រាវជ្រាវ​ករណី​អគ្គិភ័យ​ឆេះ​ក្លិបកម្សាន្ត ​អេលីត ​ដែលបង្ក​ឱ្យ​មនុស្ស​ស្លាប់​ ៣ នាក់​ និង​របួសធ្ងន់​ម្នាក់​នៅ​ខេត្ត​សៀមរាប




សមត្ថកិច្ច​កំពុង​បន្ត​ស្រាវជ្រាវ​ករណី​អគ្គិភ័យ​ឆេះ​ក្លិបកម្សាន្ត ​អេលីត ​ដែលបង្ក​ឱ្យ​មនុស្ស​ស្លាប់​ ៣ នាក់​ និង​របួសធ្ងន់​ម្នាក់​នៅ​ខេត្ត​សៀមរាប

Content image - Phnom Penh Post
ផ្នែកខាងក្នុងនៃក្លិបអេលីត ដែលរងការខូចខាត ដោយគ្រោះអគ្គិភ័យ កាលពីថ្ងៃទី ១ ធ្នូ និងបង្កឱ្យមនុស្សស្លាប់៣នាក់ នៅខេត្តសៀមរាប។ រូបថត មន្ទីរនគរបាលពន្លត់អគ្គិភ័យ និងសង្គ្រោះ

សមត្ថកិច្ច​កំពុង​បន្ត​ស្រាវជ្រាវ​ករណី​អគ្គិភ័យ​ឆេះ​ក្លិបកម្សាន្ត ​អេលីត ​ដែលបង្ក​ឱ្យ​មនុស្ស​ស្លាប់​ ៣ នាក់​ និង​របួសធ្ងន់​ម្នាក់​នៅ​ខេត្ត​សៀមរាប

ភ្នំពេញៈ ក្រុម​សមត្ថកិច្ច​នគរបាល​ជំនាញ ​កំពុង​បន្ត​ការស្រាវជ្រាវ​បន្ថែម​ទៀត​លើ​ករណី​គ្រោះ​អគ្គិភ័យ​នៅ​ក្លិបកម្សាន្ត ​អេលីត ​Elite Disco Club ​កាលពី​យប់​ថ្ងៃទី ១​ ធ្នូ​ ឆ្នាំ ​២០២១ ​ដែល​យ៉ាង​ហោចណាស់​មាន​មនុស្ស​ ៣ នាក់​ស្លាប់​ និង​ម្នាក់​ទៀត​រងបួស​ធ្ងន់​ កំពុង​សម្រាក​ព្យាបាល​នៅ​មន្ទីរពេទ្យ។ នេះ​បើ​តាម​លោក​ តេង ច័ន្ទណាត ​ស្នងការ​នគរបាល​ខេត្ត​សៀម​រាប។

លោក ​ច័ន្ទណាត ​ប្រាប់ ​ភ្នំពេញ​ ប៉ុស្តិ៍ថា​ ជនរងគ្រោះ​ដែលបាន​ស្លាប់​ និង​រងរបួស​នៅក្នុង​គ្រោះ​អគ្គិភ័យ​ដ៏​អាក្រក់​នោះ ​សុទ្ធតែ​ជាបុរស។ ក្នុង​នោះ​ជនរងគ្រោះ​ដែល​ស្លាប់ ​រួមមាន​ឈ្មោះ ​អ៊ឹង ស៊ីម ​អាយុ​ ៤២ ឆ្នាំ ​មាន​ទីលំនៅ​ភូមិ​បន្ទាយឈើ ​សង្កាត់​ទឹកវិល ​ក្រុង​សៀមរាប ​ជាបុគ្គលិក​ផ្នែក​សន្តិសុខ ​ឈ្មោះ ​ធី មេសា ​អាយុ​ ៣៦ ឆ្នាំ ​មាន​ទីលំ​នៅ​ភូមិ​កន្ត្រក​ សង្កាត់​ស្វាយដង្គំ​ ក្រុង​សៀមរាប ​ជាបុគ្គលិក​សន្តិសុខ ​និង​ឈ្មោះ ​ឈឿន សំណាង ​អាយុ ២៦ ឆ្នាំ ​រស់នៅ​ភូមិ​ខ្នារ ​សង្កាត់​ជ្រាវ ​ក្រុង​សៀមរាប​ ជា​អ្នកចម្រៀង​ប្រចាំ​ក្លិប​អេលីត។ ចំណែក​ជនរងគ្រោះ​ដែល​រងរបួស​ធ្ងន់ ​និង​កំពុង​សម្រាក​ព្យាបាល​នៅ​មន្ទីរពេទ្យ​នោះ​ ឈ្មោះ ​ប្រាក់ សុភ័ណ្ឌ ​អាយុ ​៤១ ឆ្នាំ ​មាន​ទីលំនៅ ​ភូមិ​តាភុល ​សង្កាត់​ស្វាយដង្គំ ​ក្រុង​សៀមរាប ​ជាបុគ្គលិក​ផ្នែក​ DJ​ ប្រចាំ​ក្លិប​អេលីត។

លោក​បញ្ជាក់​ថា​៖ «ក្នុង​ជំហាន​បឋម​នេះ ​សមត្ថកិច្ច​យើង​សង្ស័យថា ​អគ្គិភ័យ​នេះ​បង្ក​ឡើង​ដោយ​សារ​ការផ្ទុះ​ឆ្លង​ចរន្តអគ្គិសនី​ ពី​បន្ទប់​ក្រោម​ដី​ហើយ​នៅពេល​នេះ​ក្រុម​មន្ត្រី​នគរបាល​ជំនាញ​យើង​កំពុង​បន្ត​ធ្វើការ​ស្រាវជ្រាវ​បន្ថែម​ដើម្បី​ស្វែង​រក​ការពិត»៕

វីដេអូ៖

អត្ថបទគួរចាប់អារម្មណ៍

  • ភ្នំពេញៈ ក្រុមហ៊ុន Longfruiter Anlong Veng Oddor Meanchey Agriculture Park Co., Ltd បាន​បញ្ចេញ​ប្រាក់​វិនិយោគ ៥១ ​លាន​ដុល្លារ​ទៅលើ​ការដាំ​ដំណាំ​ចេក និង​ដំណាំ​ហូប​ផ្លែ​មួយចំនួន​នៅក្នុង​ស្រុក​អន្លង់វែង ខេត្ត​ឧត្តរមានជ័យ ដើម្បី​ជំរុញ​ការនាំចេញ ពិសេស​ទៅ​ទីផ្សារ​ប្រទេស​ចិន​។

  • ភ្នំពេញៈ មូលនិធិ​កម្ពុជា​ប្រឆាំង​កូវីដ​ ១៩ បន្ត​អំពាវនាវ​ដល់​សប្បុរជន​ឱ្យ​ចូលរួម​បរិច្ចាគ​ធនធាន ដើម្បី​រួមចំណែក​ក្នុងការ​ឧបត្ថម្ភ​ទ្រទ្រង់​ដល់​ពលរដ្ឋ​ដែល​កំពុង​ជួប​ការលំបាក និង​ក្រុមគ្រូពេទ្យ​អាវស អំឡុងពេល​ប្រយុទ្ធប្រឆាំង​ជំងឺ​កូវីដ ខណៈ​មូលនិធិ​នេះ​បាន​ជួយ​ដល់​ពលរដ្ឋ​ជាង ១ ​ម៉ឺន​គ្រួសារ តាមរយៈ​ការផ្តល់​ជា​គ្រឿង​បរិភោគ និង​កញ្ចប់​ថ្នាំ​ជាដើម​។

  • ភ្នំពេញៈ ​ជន​ជាប់ឃុំ​នៅតាម​ពន្ធនាគារ និង​មណ្ឌល​អប់រំ​កែប្រែ​រាជធានី​-​ខេត្ដ​ជាង ២ ​ពាន់​នាក់​បាន​ចាក់​វ៉ាក់សាំង​បង្ការ​ជំងឺ​កូវីដ​ ១៩ ​ដូស​ទី​ ៣ និង​កំពុង​បន្ត​ចាក់​ដូស​ជំរុញ​នេះ​បន្ថែមទៀត ខណៈ​ជន​ជាប់ឃុំ​សរុប​ប្រមាណ ៣៨ ០០០ ​នាក់​បាន​ចាក់​ ២​ ដូស​រួចហើយ​។

  • ភ្នំពេញៈ ​សាកលវិទ្យាល័យ និង​គ្រឹះស្ថាន​អប់រំ កម្រិត​ឧត្ដមសិក្សា​សាធារណៈ និង​ឯកជន​ប្រមាណ​ ២០ នៅ​ថ្ងៃទី​ ២៩ ខែមករា ខាងមុខនេះ​នឹង​រៀបចំ «​ពិព័រណ៍​ជំនាញ និង​សាកលវិទ្យាល័យ​» ​តាម​អន​ឡាញ​ដើម្បីឱ្យ​វាគ្មិន​ជំនាញ​ចែករំលែក​ចំណេះដឹង បទពិសោធ ដល់​និស្សិត​លើ​ការជ្រើសរើស​មុខជំនាញ​សិក្សា និង​សាកលវិទ្យាល័យ​សិក្សា​នៅក្នុង​ប្រទេស​កម្ពុជា​។

  • ភ្នំពេញៈ ជប៉ុន​បាន​ផ្ដល់​រថយន្ត​ពន្លត់​អគ្គិភ័យ​ចំនួន​ ៤ ​គ្រឿង​ដល់​អង្គភាព​ការិយាល័យ​នគរបាល​បង្ការ ពន្លត់​អគ្គិភ័យ និង​សង្គ្រោះ​នៃ​ស្នងការដ្ឋាន​នគរបាល​រាជធានី​ភ្នំពេញ ដើម្បី​ចូលរួមចំណែក​ធ្វើឱ្យ​ប្រសើ​ឡើង​នូវ​ប្រសិទ្ធភាព​ការងារ​ឆ្លើយតប និង​ការ​កាត់បន្ថយ​នូវ​ហានិភ័យ​នានា ដែល​បង្កឡើង​ដោយ​គ្រោះ​អគ្គិភ័យ​នៅ​កម្ពុជា ពិសេស​ក្នុង​រាជធានី​ភ្នំពេញ​។

  • ភ្នំពេញៈ ​សាជីវកម្ម​ធានាឥណទាន​កម្ពុជា (CGCC) និង​មជ្ឈមណ្ឌល​បច្ចេកវិទ្យា និង​ព័ត៌មាន​ជីវឧស្ម័ន (BTIC) នៅ​ថ្ងៃទី​ ២៤ ខែមករា បាន​ចុះ​អនុស្សរណៈ​ជាមួយ​គ្នា ដើម្បី​លើកកម្ពស់​បរិយាកាស​អំណោយផល​ដល់​ការវិនិយោគ​លើ​បច្ចេកវិទ្យា​ជីវឧស្ម័ន​ខ្នាត​ធំ​នៅ​កម្ពុជា​ដើម្បី​រួមចំណែក​កាត់​បន្ថយ​ការប្រែប្រួល​អាកាសធាតុ​។ នេះ​បើតាម​សេចក្ដី​ប្រកាស​ព័ត៌មាន​។