The Phnom Penh Post Search

Search form

Logo of Phnom Penh Post newspaper Phnom Penh Post - ក្រសួង​អប់រំ អនុញ្ញាតឱ្យ​បើក​ក្លិប​អាជីវកម្ម​ហាត់ប្រាណ សកម្មភាព​ហាត់ប្រាណ​តាម​ទីធ្លា​សាធារណៈ ការហ្វឹកហាត់ និង​ប្រកួត​កីឡា​ឡើងវិញ​នៅ​ទូទាំង​ប្រទេស




ក្រសួង​អប់រំ អនុញ្ញាតឱ្យ​បើក​ក្លិប​អាជីវកម្ម​ហាត់ប្រាណ សកម្មភាព​ហាត់ប្រាណ​តាម​ទីធ្លា​សាធារណៈ ការហ្វឹកហាត់ និង​ប្រកួត​កីឡា​ឡើងវិញ​នៅ​ទូទាំង​ប្រទេស

Content image - Phnom Penh Post
ក្រសួង​អប់រំ អនុញ្ញាតឱ្យ​បើក​ក្លិប​អាជីវកម្ម​ហាត់ប្រាណ សកម្មភាព​ហាត់ប្រាណ​តាម​ទីធ្លា​សាធារណៈ ការហ្វឹកហាត់ និង​ប្រកួត​កីឡា​ឡើងវិញ​នៅ​ទូទាំង​ប្រទេស។

ក្រសួង​អប់រំ អនុញ្ញាតឱ្យ​បើក​ក្លិប​អាជីវកម្ម​ហាត់ប្រាណ សកម្មភាព​ហាត់ប្រាណ​តាម​ទីធ្លា​សាធារណៈ ការហ្វឹកហាត់ និង​ប្រកួត​កីឡា​ឡើងវិញ​នៅ​ទូទាំង​ប្រទេស

រដ្ឋមន្ត្រី​ក្រសួង​អប់រំ យុវជន និង​កីឡា លោក ហង់ជួន ណារ៉ុន បានអនុញ្ញាត​ឱ្យ​បើក​ក្លិប​អាជីវកម្ម​ហាត់ប្រាណ សកម្មភាព​ហាត់ប្រាណ​តាម​ទីធ្លា​សាធារណៈ ការហ្វឹកហាត់ និង​ប្រកួត​កីឡា​ឡើងវិញ​នៅ​ទូទាំង​ប្រទេស ដោយ​ត្រូវគោរព​គោលការណ៍​ប្រតិបត្តិ​ស្តង់ដា (SOP) និង​វិធានការ​នានា​របស់​ក្រសួង​សុខាភិបាល​ឱ្យ​បាន​ត្រឹមត្រូវ និង​ម៉ឺងម៉ាត់ ដើម្បី​ធានា​បាន​នូវ​សុវត្ថិភាព និង​សុខភាព​។

នេះ​បើ​យោងតាម​លិខិត​ដែល​លោក ហង់ជួន ណារ៉ុន ផ្ញើជូន​អភិបាល​រាជធានី​ខេត្ត​ទាំងអស់​កាលពី​ថ្ងៃទី​ ០២ ខែធ្នូ ឆ្នាំ​ ២០២១​។

ការសម្រេច​អនុញ្ញាត​ឱ្យ​បើក​ក្លិប​អាជីវកម្ម​ហាត់ប្រាណ សកម្មភាព​ហាត់ប្រាណ​តាម​ទីធ្លា​សាធារណៈ ការហ្វឹកហាត់ និង​ការប្រកួត​កីឡា​ឡើងវិញ​នេះ​ក៏​យោងតាម​អនុសាសន៍​ដ៏ខ្ពង់ខ្ពស់​របស់​លោក​នាយករដ្ឋមន្ត្រី​ផងដែរ​។

លោក ហង់ជួន ណារ៉ុន បាន​លើកឡើង​ថា៖ «​ទីកន្លែង​ហាត់ប្រាណ ហ្វឹកហាត់ និង​ការប្រកួត​កីឡា ត្រូវ​ពិនិត្យ​លើ​លទ្ធភាព​ផ្ទុក​ចំនួន​អ្នកចូលរួម​ឱ្យ​ស្រប​ទៅតាម​វិធានការ​សុខាភិបាល ការរក្សា​គម្លាត បាញ់ថ្នាំ​សម្លាប់​មេរោគ និង​ធ្វើ​អនាម័យ​ជាប្រចាំ ជាពិសេស​បន្ទប់ទឹក និង​កន្លែង​ដែលមាន​អ្នក​ប៉ះពាល់​ច្រើន​»​។

លោក​រដ្ឋមន្ត្រី​បាន​បន្ថែមថា ទីកន្លែង​ហាត់ប្រាណ ហ្វឹកហាត់ និង​ការប្រកួត​កីឡា ត្រូវមាន​ឧបករណ៍​ចាំបាច់​ទាំងឡាយ​ដែល​បម្រើឱ្យ​វិធានការ​ការពារ​ជំងឺ​កូវីដ​ ១៩ ដូចជា​អាល់កុល សាប៊ូ​លាងដៃ ម៉ាស់ ម៉ាស៊ីន​វាស់​កម្ដៅ និង​មាន​អ្នកទទួល​ខុសត្រូវ​ត្រួតពិនិត្យ វាស់​កម្ដៅ បាញ់​អាល់កុល​នៅ​គ្រប់​ច្រកចូល​។

លោក​ថា អ្នក​ដែល​អនុញ្ញាត​ឱ្យ​ចូលទៅក្នុង​ក្លិប​អាជីវកម្ម​ហាត់ប្រាណ និង​ទីលាន​ហ្វឹកហាត់ ឬ​ការប្រកួត​កីឡា គឺ​សម្រាប់តែ​អ្នក​ដែល​បាន​ចាក់​វ៉ាក់សាំង​ការពារ​ជំងឺ​កូវីដ​ ១៩ ដូស​មូលដ្ឋាន និង​ដូស​ជំរុញ​រួចហើយ​តែប៉ុណ្ណោះ ហើយ​កន្លែង​ហាត់ប្រាណ ហ្វឹកហាត់ និង​ប្រកួត​កីឡា ត្រូវតែ​ធានា​ថា​មិនមែន​ជា​កន្លែង​ឆ្លង​ជំងឺ​កូវីដ​ ១៩ ​ឡើយ​៕

វីដេអូ៖

អត្ថបទគួរចាប់អារម្មណ៍

  • ភ្នំពេញៈ ក្រុមហ៊ុន Longfruiter Anlong Veng Oddor Meanchey Agriculture Park Co., Ltd បាន​បញ្ចេញ​ប្រាក់​វិនិយោគ ៥១ ​លាន​ដុល្លារ​ទៅលើ​ការដាំ​ដំណាំ​ចេក និង​ដំណាំ​ហូប​ផ្លែ​មួយចំនួន​នៅក្នុង​ស្រុក​អន្លង់វែង ខេត្ត​ឧត្តរមានជ័យ ដើម្បី​ជំរុញ​ការនាំចេញ ពិសេស​ទៅ​ទីផ្សារ​ប្រទេស​ចិន​។

  • ភ្នំពេញៈ មូលនិធិ​កម្ពុជា​ប្រឆាំង​កូវីដ​ ១៩ បន្ត​អំពាវនាវ​ដល់​សប្បុរជន​ឱ្យ​ចូលរួម​បរិច្ចាគ​ធនធាន ដើម្បី​រួមចំណែក​ក្នុងការ​ឧបត្ថម្ភ​ទ្រទ្រង់​ដល់​ពលរដ្ឋ​ដែល​កំពុង​ជួប​ការលំបាក និង​ក្រុមគ្រូពេទ្យ​អាវស អំឡុងពេល​ប្រយុទ្ធប្រឆាំង​ជំងឺ​កូវីដ ខណៈ​មូលនិធិ​នេះ​បាន​ជួយ​ដល់​ពលរដ្ឋ​ជាង ១ ​ម៉ឺន​គ្រួសារ តាមរយៈ​ការផ្តល់​ជា​គ្រឿង​បរិភោគ និង​កញ្ចប់​ថ្នាំ​ជាដើម​។

  • ភ្នំពេញៈ ​ជន​ជាប់ឃុំ​នៅតាម​ពន្ធនាគារ និង​មណ្ឌល​អប់រំ​កែប្រែ​រាជធានី​-​ខេត្ដ​ជាង ២ ​ពាន់​នាក់​បាន​ចាក់​វ៉ាក់សាំង​បង្ការ​ជំងឺ​កូវីដ​ ១៩ ​ដូស​ទី​ ៣ និង​កំពុង​បន្ត​ចាក់​ដូស​ជំរុញ​នេះ​បន្ថែមទៀត ខណៈ​ជន​ជាប់ឃុំ​សរុប​ប្រមាណ ៣៨ ០០០ ​នាក់​បាន​ចាក់​ ២​ ដូស​រួចហើយ​។

  • ភ្នំពេញៈ ​សាកលវិទ្យាល័យ និង​គ្រឹះស្ថាន​អប់រំ កម្រិត​ឧត្ដមសិក្សា​សាធារណៈ និង​ឯកជន​ប្រមាណ​ ២០ នៅ​ថ្ងៃទី​ ២៩ ខែមករា ខាងមុខនេះ​នឹង​រៀបចំ «​ពិព័រណ៍​ជំនាញ និង​សាកលវិទ្យាល័យ​» ​តាម​អន​ឡាញ​ដើម្បីឱ្យ​វាគ្មិន​ជំនាញ​ចែករំលែក​ចំណេះដឹង បទពិសោធ ដល់​និស្សិត​លើ​ការជ្រើសរើស​មុខជំនាញ​សិក្សា និង​សាកលវិទ្យាល័យ​សិក្សា​នៅក្នុង​ប្រទេស​កម្ពុជា​។

  • ភ្នំពេញៈ ជប៉ុន​បាន​ផ្ដល់​រថយន្ត​ពន្លត់​អគ្គិភ័យ​ចំនួន​ ៤ ​គ្រឿង​ដល់​អង្គភាព​ការិយាល័យ​នគរបាល​បង្ការ ពន្លត់​អគ្គិភ័យ និង​សង្គ្រោះ​នៃ​ស្នងការដ្ឋាន​នគរបាល​រាជធានី​ភ្នំពេញ ដើម្បី​ចូលរួមចំណែក​ធ្វើឱ្យ​ប្រសើ​ឡើង​នូវ​ប្រសិទ្ធភាព​ការងារ​ឆ្លើយតប និង​ការ​កាត់បន្ថយ​នូវ​ហានិភ័យ​នានា ដែល​បង្កឡើង​ដោយ​គ្រោះ​អគ្គិភ័យ​នៅ​កម្ពុជា ពិសេស​ក្នុង​រាជធានី​ភ្នំពេញ​។

  • ភ្នំពេញៈ ​សាជីវកម្ម​ធានាឥណទាន​កម្ពុជា (CGCC) និង​មជ្ឈមណ្ឌល​បច្ចេកវិទ្យា និង​ព័ត៌មាន​ជីវឧស្ម័ន (BTIC) នៅ​ថ្ងៃទី​ ២៤ ខែមករា បាន​ចុះ​អនុស្សរណៈ​ជាមួយ​គ្នា ដើម្បី​លើកកម្ពស់​បរិយាកាស​អំណោយផល​ដល់​ការវិនិយោគ​លើ​បច្ចេកវិទ្យា​ជីវឧស្ម័ន​ខ្នាត​ធំ​នៅ​កម្ពុជា​ដើម្បី​រួមចំណែក​កាត់​បន្ថយ​ការប្រែប្រួល​អាកាសធាតុ​។ នេះ​បើតាម​សេចក្ដី​ប្រកាស​ព័ត៌មាន​។