.jpg)
អភិបាលខេត្តមណ្ឌលគិរីប្រាប់ដល់ប្រជាពលរដ្ឋជាជនជាតិដើមភាគតិចព្នងដែលមានកូនបានចូលរៀន ត្រូវជំរុញ និងលើកទឹកចិត្តពួកគេឱ្យតស៊ូបន្តការសិក្សារៀនសូត្រ។ រដ្ឋបាលខេត្តមណ្ឌលគិរី
មណ្ឌលគិរីៈ អភិបាលខេត្តមណ្ឌលគិរីប្រាប់ដល់ប្រជាពលរដ្ឋជាជនជាតិដើមភាគតិចព្នងដែលមានកូនបានចូលរៀន ត្រូវជំរុញ និងលើកទឹកចិត្តពួកគេឱ្យតស៊ូបន្តការសិក្សារៀនសូត្ររហូតដល់ថ្នាក់បរិញ្ញាបត្រ ឬលើសពីនេះ ដើម្បីក្លាយជាអ្នកបន្តវេនជំនាន់ថ្មីប្រកបដោយចំណេះដឹង។
ការជំរុញលើកទឹកចិត្តរបស់អភិបាលខេត្តមណ្ឌលគិរីបែបនេះ ធ្វើឡើងនៅពេលដែលជនជាតិដើមភាគតិចព្នងចំនួន ២០០ នាក់មកពីសង្កាត់ទាំងបួននៃក្រុងសែនមនោរម្យ មកទទួលអំណោយមនុស្សធម៌ពីរដ្ឋបាលខេត្តមណ្ឌលគិរី កាលពីថ្ងៃទី ៣ ខែធ្នូនេះ។
លោកថ្លែងថា៖ «សូមបន្តខិតខំតស៊ូរៀនរហូតដល់បញ្ចប់ថ្នាក់បរិញ្ញាបត្រ ឬលើសពីនេះក៏កាន់តែប្រសើរ ដើម្បីឱ្យពួកគេបានបន្តវេនក្នុងនាមជាអ្នកមូលដ្ឋាន»។
ក្នុងពេលនោះដែរ លោក ថង សាវុន អភិបាលខេត្តមណ្ឌលគិរីបានពាំនាំការផ្តាំផ្ញើសួរសុខទុក្ខពីលោកនាយករដ្ឋមន្ត្រី ហ៊ុន សែន ដែលតែងតែយកចិត្តទុក្ខដាក់ចំពោះបងប្អូនប្រជារាស្ត្រនៅតំបន់ភូមិភាគឦសានពិសេសខេត្តមណ្ឌលគិរី។
ជាមួយគ្នានោះលោកអភិបាលខេត្តបានរំឭកណែនាំឱ្យអនុវត្តវិធានការសុខាភិបាល ៣ កុំ ៣ ការពារ ដើម្បីសុវត្ថិភាពចៀសឆ្ងាយពីជំងឺកូវីដ ១៩ ព្រមទាំងបានសំណូមពរដល់អាជ្ញាធរ មានសមត្ថកិច្ចយកចិត្តទុកដាក់ជួយគាំទ្រដល់ប្រជាពលរដ្ឋនៅមូលដ្ឋានតាមលទ្ធភាពដែលអាចធ្វើបានផងដែរ៕
