The Phnom Penh Post Search

Search form

Logo of Phnom Penh Post newspaper Phnom Penh Post - អាជ្ញាធរជាតិអប្សរា អនុញ្ញាត​ឱ្យ​អាជ្ញាធរ​ស្រុក​បន្ទាយស្រី ជួសជុល​កែ​លម្អ​ផ្សារ​បន្ទាយស្រី​ឡើង​វិញ




អាជ្ញាធរជាតិអប្សរា អនុញ្ញាត​ឱ្យ​អាជ្ញាធរ​ស្រុក​បន្ទាយស្រី ជួសជុល​កែ​លម្អ​ផ្សារ​បន្ទាយស្រី​ឡើង​វិញ

Content image - Phnom Penh Post
លោក ឃឹម ហ្វីណង់ អភិបាលស្រុក​បន្ទាយស្រី ចុះ​ត្រួតពិនិត្យ​ការ​ជួសជុល​កែ​លម្អ​ផ្សារ​បន្ទាយស្រី​ឡើង​វិញ។ រូបថតហ្វេសប៊ុក

អាជ្ញាធរជាតិអប្សរា អនុញ្ញាត​ឱ្យ​អាជ្ញាធរ​ស្រុក​បន្ទាយស្រី ជួសជុល​កែ​លម្អ​ផ្សារ​បន្ទាយស្រី​ឡើង​វិញ

សៀមរាបៈ អាជ្ញាធរជាតិអប្សរា​អនុញ្ញាត​ឱ្យ​អាជ្ញាធរ​ស្រុក បន្ទាយស្រី ខេត្ត​សៀមរាប ជួសជុល​កែ​លម្អ​ឡើង​វិញ​នូវ​ផ្សារ​បន្ទាយស្រី ដែល​ជាផ្សារ​សហគមន៍ បន្ទាប់ពី​រងការ​ទ្រុឌទ្រោម​ជាច្រើន​ឆ្នាំ ដើម្បី​ធានា​ថា ទោះ​មាន​ការ​ផ្ទុះ​ជំងឺ​កូវីដ១៩ ម្តង​ទៀត​ក៏ដោយ ក៏​ផ្សារ​ទាំង​មូល​មិនចាំ​បាច់​បិទ​នោះ​ទេ។

លោក ឃឹម ហ្វីណង់ អភិបាលស្រុក​បន្ទាយស្រី បាន​បង្ហោះសារ​នៅ​លើ​ហ្វេសប៊ុក​លោក​កាល​ពី​ថ្ងៃ​ទី​ ៣ ធ្នូ ថា៖ «ទីបំផុត ផ្សារ​បន្ទាយស្រីត្រូវ​បាន​អនុញ្ញាត​ឱ្យ​ជួសជុល​កែលម្អ​ឡើង​វិញ បន្ទាប់ពី​រង​ការ​ទ្រុឌទ្រោម​អស់​រយៈពេល​ជាច្រើន​ឆ្នាំ​កន្លង​មក»។

លោកបន្តថា៖ «សូម​ថ្លែង​អំណរគុណ​យ៉ាង​ជ្រាលជ្រៅ​ចំពោះ​អាជ្ញាធរជាតិ​អប្សរា ដែល​បាន​ផ្តល់​ការ​អនុញ្ញាត​ទៅ​លើ​សំណើ​របស់​រដ្ឋបាលស្រុក​បន្ទាយស្រី ដើម្បី​បើកផ្លូវ​ឱ្យ​សំណង់​ផ្សារ​សហគមន៍​មួយ​នេះ អាច​ដំណើរការ​ជួសជុល​កែ​លម្អ​ឡើង​វិញ​បាន»។

ផ្សារ​សហគមន៍​មួយ​នេះ ត្រូវ​បាន​ផ្អាក​អស់​មួយ​រយៈ ដោយសារ​មាន​ករណី​ផ្ទុះ​ឆ្លង​រាលដាល​នៃ​ជំងឺ​កូវីដ​នៅ​ក្នុង​ផ្សារ។

អភិបាលស្រុករូបនេះ សរសេរថា រដ្ឋបាល​ស្រុក​របស់​លោក​បាន​ពិភាក្សា​ជាមួយ​គណៈ​គ្រប់គ្រង​ផ្សារ និង​អាជីវករ​ទាំងអស់ ដើម្បី​យក​ឱកាស «ដ៏កម្រ» ដែល​បាន​មក​ពី​ការ​បិទ​នេះ ប្រែ​ក្លាយ​ផ្សារ​នេះ​ឱ្យ​មាន​ភាព​ល្អ​ប្រសើរ និង​មាន​សុវត្ថិភាព​ជាង​មុន ដោយ​បាន​ធ្វើ​ការកែ​សម្រួល​ផ្សារទាំង​មូល​ឡើង​វិញ។

បើ​តា​លោក ឃឹម ហ្វីណង់ ផ្សារនេះ​នឹង​ត្រូវ​បាន​ចាក់​សាប បង្កើត​ជម្រាល​រំដោះ​ទឹក​ភ្លៀង រៀបចំ​ដំបូល និង​សម្អាត​អនាម័យ ជាពិសេស​នៅក្នុង​ផ្នែក​លក់​បន្លែ​ត្រី​សាច់​តែម្តង ដើម្បី​ធានា​ឱ្យ​បាន​ថា «បើ​ទោះ​ជា​មាន​ករណី​ផ្ទុះ​ឆ្លង​ជំងឺ​កូវីដ១៩ ម្តង​ទៀត ក៏​មិន​ចាំបាច់​បិទ​ផ្សារ​ទាំងមូលដែរ»៕

អត្ថបទគួរចាប់អារម្មណ៍

  • ភ្នំពេញៈ ក្រុមហ៊ុន Longfruiter Anlong Veng Oddor Meanchey Agriculture Park Co., Ltd បាន​បញ្ចេញ​ប្រាក់​វិនិយោគ ៥១ ​លាន​ដុល្លារ​ទៅលើ​ការដាំ​ដំណាំ​ចេក និង​ដំណាំ​ហូប​ផ្លែ​មួយចំនួន​នៅក្នុង​ស្រុក​អន្លង់វែង ខេត្ត​ឧត្តរមានជ័យ ដើម្បី​ជំរុញ​ការនាំចេញ ពិសេស​ទៅ​ទីផ្សារ​ប្រទេស​ចិន​។

  • ភ្នំពេញៈ មូលនិធិ​កម្ពុជា​ប្រឆាំង​កូវីដ​ ១៩ បន្ត​អំពាវនាវ​ដល់​សប្បុរជន​ឱ្យ​ចូលរួម​បរិច្ចាគ​ធនធាន ដើម្បី​រួមចំណែក​ក្នុងការ​ឧបត្ថម្ភ​ទ្រទ្រង់​ដល់​ពលរដ្ឋ​ដែល​កំពុង​ជួប​ការលំបាក និង​ក្រុមគ្រូពេទ្យ​អាវស អំឡុងពេល​ប្រយុទ្ធប្រឆាំង​ជំងឺ​កូវីដ ខណៈ​មូលនិធិ​នេះ​បាន​ជួយ​ដល់​ពលរដ្ឋ​ជាង ១ ​ម៉ឺន​គ្រួសារ តាមរយៈ​ការផ្តល់​ជា​គ្រឿង​បរិភោគ និង​កញ្ចប់​ថ្នាំ​ជាដើម​។

  • ភ្នំពេញៈ ​ជន​ជាប់ឃុំ​នៅតាម​ពន្ធនាគារ និង​មណ្ឌល​អប់រំ​កែប្រែ​រាជធានី​-​ខេត្ដ​ជាង ២ ​ពាន់​នាក់​បាន​ចាក់​វ៉ាក់សាំង​បង្ការ​ជំងឺ​កូវីដ​ ១៩ ​ដូស​ទី​ ៣ និង​កំពុង​បន្ត​ចាក់​ដូស​ជំរុញ​នេះ​បន្ថែមទៀត ខណៈ​ជន​ជាប់ឃុំ​សរុប​ប្រមាណ ៣៨ ០០០ ​នាក់​បាន​ចាក់​ ២​ ដូស​រួចហើយ​។

  • ភ្នំពេញៈ ​សាកលវិទ្យាល័យ និង​គ្រឹះស្ថាន​អប់រំ កម្រិត​ឧត្ដមសិក្សា​សាធារណៈ និង​ឯកជន​ប្រមាណ​ ២០ នៅ​ថ្ងៃទី​ ២៩ ខែមករា ខាងមុខនេះ​នឹង​រៀបចំ «​ពិព័រណ៍​ជំនាញ និង​សាកលវិទ្យាល័យ​» ​តាម​អន​ឡាញ​ដើម្បីឱ្យ​វាគ្មិន​ជំនាញ​ចែករំលែក​ចំណេះដឹង បទពិសោធ ដល់​និស្សិត​លើ​ការជ្រើសរើស​មុខជំនាញ​សិក្សា និង​សាកលវិទ្យាល័យ​សិក្សា​នៅក្នុង​ប្រទេស​កម្ពុជា​។

  • ភ្នំពេញៈ ជប៉ុន​បាន​ផ្ដល់​រថយន្ត​ពន្លត់​អគ្គិភ័យ​ចំនួន​ ៤ ​គ្រឿង​ដល់​អង្គភាព​ការិយាល័យ​នគរបាល​បង្ការ ពន្លត់​អគ្គិភ័យ និង​សង្គ្រោះ​នៃ​ស្នងការដ្ឋាន​នគរបាល​រាជធានី​ភ្នំពេញ ដើម្បី​ចូលរួមចំណែក​ធ្វើឱ្យ​ប្រសើ​ឡើង​នូវ​ប្រសិទ្ធភាព​ការងារ​ឆ្លើយតប និង​ការ​កាត់បន្ថយ​នូវ​ហានិភ័យ​នានា ដែល​បង្កឡើង​ដោយ​គ្រោះ​អគ្គិភ័យ​នៅ​កម្ពុជា ពិសេស​ក្នុង​រាជធានី​ភ្នំពេញ​។

  • ភ្នំពេញៈ ​សាជីវកម្ម​ធានាឥណទាន​កម្ពុជា (CGCC) និង​មជ្ឈមណ្ឌល​បច្ចេកវិទ្យា និង​ព័ត៌មាន​ជីវឧស្ម័ន (BTIC) នៅ​ថ្ងៃទី​ ២៤ ខែមករា បាន​ចុះ​អនុស្សរណៈ​ជាមួយ​គ្នា ដើម្បី​លើកកម្ពស់​បរិយាកាស​អំណោយផល​ដល់​ការវិនិយោគ​លើ​បច្ចេកវិទ្យា​ជីវឧស្ម័ន​ខ្នាត​ធំ​នៅ​កម្ពុជា​ដើម្បី​រួមចំណែក​កាត់​បន្ថយ​ការប្រែប្រួល​អាកាសធាតុ​។ នេះ​បើតាម​សេចក្ដី​ប្រកាស​ព័ត៌មាន​។